AS NOSAS LETRAS!: poesía popular oral

 

Premer na imaxe para acceder á galería de fotos

Ao longo do curso, a exposición AS NOSAS LETRAS! seguiu adicada a escritoras/es galegas/os e homenaxeadas/os nas Letras Galegas: Concha Blanco, Rosalía de Castro e as cantareiras e pandeireteiras.

Exposición que foi mudando cada trimestre, renovando exemplares e facilitando novos códigos QR para acceder a recursos en liña.

Nas imaxes podemos ver a última exposición do curso, no noso Mes das Letras, e os carteis en homenaxe á poesía popular oral. Homenaxe que a Real Academia Galega celebrará no Centro Cívico e Cultural de Malpica de Bergantiños o vindeiro sábado 17 de maio, por ser o concello natal das Pandereteiras de Mens; tal e como se recolle na programación do Concello de Malpica que podedes ver na seguinte imaxe.

Agradecemos ao Concello de Malpica de Bergantiños a doazón que, como cada curso escolar, realiza polo Día das Letras Galegas. Na imaxe podedes ver os exemplares doados, que pasarán a formar parte do catálogo da nosa biblioteca:

A lingua galega soa e resoa na nosa escola, divulgando, dinamizando, valorando o noso rico patrimonio inmaterial: coidado, preservación e transmisión da lingua todos os días do ano.

Premiad@s: VII Concurso de Podcasts-Radio na biblio

 

Estamos en hora boa, o podcast de 5º de educación primaria resultou premiado no VII Concurso de Podcasts-Radio na biblio cunha produción propia, "A nosa herdanza", que recolle entrevistas a diversos membros da comunidade ou alleos á mesma e que gardan relación directa coa poesía popular oral, a que este ano se adica o Día das Letras Galegas 2025.

O podcast será difundido na páxina web da Radio Galega e na plataforma dixital A Galega Audio. A asignación do premio será destinada, tal e como recolle a convocatoria, a melloras no laboratorio de radio ou actividades relacionadas co seu funcionamento, sempre vinculado á biblioteca do centro.

Premendo no seguinte enlace accederedes á publicación realizada no blog do 3º ciclo de primaria, para informarse, para saber máis:

A NOSA HERDANZA DE 5º DE PRIMARIA

PARABÉNS A TOD@S! Produción propia que xa forma parte da grella de programas de Radio Balea, a Radio na biblio do CEIP Milladoiro de Malpica de Bergantiños.

Mes da Ciencia en Galego nas Bibliotecas

 

Premer na imaxe para acceder á galería de fotos, que se irá incrementando

Ao longo do mes de novembro, seguindo a proposta de actividades en relación co PDI, todos os grupos-aula integraron nas súas programacións a experimentación, en galego, en relación co PDI e con contidos diversos: densidades, estados da materia, mesturas, enerxía, forzas, tecnoloxía...

Pechamos o mes visitando as exposicións de cada aula para experimentar e compartir aprendizaxes: a nosa escola bibliotecaria é... un gran laboratorio!

A ciencia na nosa lingua, en todas as linguas, para chegar ao coñecemento... este mes e todos os meses do ano!

AS NOSAS LETRAS!: Luísa Villalta

Premer na imaxe para acceder á galería de fotos

Pechamos o último trimestre das exposicións AS NOSAS LETRAS! con Luísa Villalta, a quen se adica o Día das Letras Galegas 2024.

Exposición que dinamiza exemplares varios ao redor da biografía da autora, para coñecela e valorala pola súa contribución á cultura de Galica e á lingua galega. Ao tempo, achegamos enlaces a recursos en liña para ampliar información e contar con recursos didácticos para as aulas:

• Primavera das Letras

• Seminario Galán

O vindeiro curso continuaremos dinamizando, divulgando a máis boas/bos, xenerosas/os da nosa cultura.

Día da Poesía: Ramón Romero Nogueira

No día de hoxe, Día da Poesía 2024, o alumnado de infantil e 1º ciclo de primaria mantiveron un encontro dixital con Ramón Romero Nogueira, autor do exemplar "A abelliña que perdeu as ás" e que adquirimos no 1º trimestre con dedicatoria incluída do autor.

Un encontro no que Ramón nos contou que, este seu primeiro libro, foi un relato que escribiu cando era neno e co tempo foi mellorando, ata a súa publicación. Ao tempo, presentounos á abelliña e aos animais da fraga que a acompañan, mediante as ilustracións de Uxía Pin.

Premer na imaxe para acceder á galería de fotos

Un texto poético protagonizado por unha abelliña que percorre a fraga na busca de..., recomendamos a súa lectura polo fermoso texto rimado, as coloridas ilustracións e... un final inesperado!

Grazas infindas a Ramón pola súa dispoñibilidade e amabilidade.

Feliz Día da Poesía, hoxe e todos os días do ano!

 

AS NOSAS LETRAS!: Marilar Aleixandre

Premer na imaxe para acceder á galería de fotos

Ao longo do 1º trimestre a exposición AS NOSAS LETRAS! volveu presidir o corredor do 1º andar coa finalidade de divulgar, dar a coñecer, valorar á poeta, narradora, profesora e académica...

MARILAR ALEIXANDRE

O alumnado de 5º de primaria conta no seu intinerario lector cun título da escritora, Nogard, que foi reeditado no ano 2022 mais a súa primeira publicación data de 1994. Unha xoia literaria nas mans d@s nen@s de 5º, que xa pasa a formar parte da súa biblioteca persoal.

No álbum de fotos recóllese o traballo do grupo-aula ao redor da vida e obra de Marilar Aleixandre, para pór cara á autora do libro e coñecela un pouco máis.

Ao tempo, premendo na seguinte imaxe accederedes á experimentación, ao xogo do grupo ao redor de Nogard na aula de cociña: unha experiencia lectora lúdica e creativa.

Premer na imaxe para acceder á galería de fotos

Continuará...

DichoLeo: 5º e 6º de primaria

Presentamos as últimas pezas audiovisuais da nosa actividade de dinamización da lingua enmarcada no PDI NÓS: DichoLeo.

As aulas do 3º ciclo de primaria pechan as producións propias ao redor de vocabulario na nosa lingua.

Felicitar a ambos grupos polas súas producións audiovisuais.

No día de mañá, venres 19 de maio, celebraremos o noso Festival das Letras onde, ademais de gozar de cada unha das actuacións de aula, visualizaremos todas as producións propias que reunimos nunha soa presentación e á que podedes acceder premendo na seguinte imaxe.

O vindeiro curso... máis!

DichoLeo: 3º e 4º de primaria

Presentamos as producións audiovisuais do 2º ciclo de primaria: novos escenarios para novas palabras.

Parabéns a tod@s, producións propias excelentes.

Continuará!

DichoLeo: 2º de primaria

Hoxe presentamos a peza audiovisual da aula de 2º de primaria.

Nen@s reproducindo conversas cotiás onde a lingua importa, DichoLeo!

Parabéns a tod@s pola fantástica produción.

Continuará!

DichoLeo: 4 e 5 anos

Para celebrar o Día das Letras presentamos as dúas pezas audiovisuais, DichoLeo, d@s cativiñ@s do Milladoiro.

A primeira peza, da aula de 4 anos, sigue as rutinas escolares para ir coñecendo novas palabras na nosa lingua nai.

Esta segunda peza, da aula de 5 anos, reproduce un aniversario no que imos coñecendo o seu vocabulario propio.

Parabéns a tod@s, fantásticas producións propias.

Feliz Día das Letras Galegas!

Continuará!

DichoLeo: 1º de primaria

Unha peza máis do nosa actividade audiovisual... DichoLeo!

O alumnado de 1º de primaria baixou á praza de abastos da vila para tratar palabras relacionadas co mar. Agradecemos a colaboración do persoal da praza, que amablemente cedeu o posto comercial para realizar as gravacións.

Parabéns a aula de 1º, marabillosa produción propia.

Continuará!

DichoLeo: 3 anos

Presentamos, en primicia, a primeira peza audiovisual de entre outras moitas que iremos publicando e que tod@s poderemos visualizar no noso Festival das Letras 2023.

Protagonizando cada vídeo, @s nen@s van ofrecéndonos pílulas de normalización e dinamización da nosa lingua galega; grazas, sempre, ao dicionario que nos ofrece Leo, a nosa serea lectora, porque... DichoLeo!

Parabéns a aula de 3 anos pola súa fantástica produción.

Continuará!

LETRAS GALEGAS: 6º de EI

Xa queda pouco para celebrar o Día das Letras Galegas, e polo tanto para o noso Festival das Letras 2023.

Para ir abrindo boca deixamos un podcast dunha das actuacións que veremos no noso Festival. Un podcast creado polo alumnado de 6º de Educación Infantil en formato 1, 2, 3... responda outra vez!

Esperamos que vos guste!!

AS NOSAS LETRAS! Francisco Fernández del Riego

Premer na imaxe para acceder ao álbum

Ao longo do 3º trimestre a exposición AS NOSAS LETRAS! está adicada ao persoeiro homenaxeado este ano, pola Real Academia Galega, co Día das Letras: Francisco Fernández del Riego

A exposición está composta polos diversos exemplares de nova adquisición e por recursos materiais alleos e propios, entre eles o noso caderno de produción propia Leo anímate a... investigar!, para traballar nas aulas a súa biografía e obras. Recursos alleos que se aloxan nas seguintes páxinas:

• Primavera das Letras

• Portal das Palabras

• Seminario Galán

Asemade expuxemos os carteis que recibimos da Real Academia Galega, como se pode ver na seguinte imaxe.

Pechamos así, un curso máis, a exposición adicada a escritoras e escritores galeg@s que se fai imprescincible coñecer e valorar:

AS NOSAS LETRAS!

O vindeiro curso, máis: seguiremos facendo medrar as nosas Letras.

AS NOSAS LETRAS!: Rosalía de Castro e Eva Mejuto

Premer na imaxe para acceder á galería de fotos

Presentamos a exposición AS NOSAS LETRAS!: Rosalía de Castro e Eva Mejuto, escritoras protagonistas ao longo do 2º trimestre.

A exposición xunto cos cadernos Leo anímate a... investigar! e os recursos en liña foron o punto de partida para aventurarse no saber máis e... no ler máis: ler a Rosalía e a Eva é unha viaxe emocional marabillosa.

O alumnado de 6ºEP nas sesións de Aprender a investigar foi o encargado de recuperar a bibliografía de Eva Mejuto dispoñible na nosa biblio e organizar a exposición.

Pecharemos o presente curso coa exposición adicada a Francisco Fernández del Riego, elección da RAG para conmemorar o Día das Letras Galegas e do cal podemos saber máis accedendo á web da RAG adicada ao autor: Primavera da Letras.

Que medre o noso coñecemento arredor de escritoras e escritores galegas e galegos que é imprescindible ler e valorar.

AS NOSAS LETRAS!: Andrea Maceiras

Premer na imaxe para acceder ao álbum de fotos

Inciamos o presente curso coa exposición AS NOSAS LETRAS! adicada á escritora Andrea Maceiras por elección do alumnado de 6ºEP que teñen un dos seus títulos como libro do Plan Lector Anual: A folla azul.

Así, na área Aprender a investigar realizaron a súa biografía grazas ás fontes documentais e dixitais. Asemade, remitiron un correo electrónico á autora para convidala a visitar a nosa escola e... conseguimos cadrar datas!

No día de onte, mantiveron un encontro coa autora; a cal agradecemos a súa amabilidade, pois non só asinou o exemplar de cada nen@ e no caderno da biblio, tamén respostou a cada unha das preguntas dentro da entrevista que desenvolveron na nosa Radio Balea.

Grazas a Andrea Maceiras pola súa cercanía e bo facer; así como a Editorial Xerais por facilitarnos o encontro.

 

Novembro 2022: Mes da Ciencia en Galego nas Bibliotecas

Iniciamos o Mes da Ciencia en Galego nas Bibliotecas, co deber de coñecer e transmitir ciencia na nosa lingua. Seguimos a ver moi necesario máis libros de consulta (Ciencias Naturais, Ciencias Aplicadas...) na nosa fala, faise imprescindible que as editoriais aposten pola divulgación científica, para peques e maiores, en Lingua Galega.

No corredor do 1º andar, xa está a disposición, de tod@s, a exposición Leo le... Ciencia en Galego, con exemplares en galego e para traducir ao galego, para seguir preguntando, sendo curios@s, investigando, experimentando... (premer na imaxe para acceder á galería de fotos da exposición)

Recursos aos que sumamos os incluídos na seguinte publicación. NÓS imos compartir ciencia na nosa fala: o alumnado de 2º e 3º ciclo de E. Primaria expoñerá o método científico dos experimentos que argallen ao alumnado de E. Infantil e 1º ciclo de E. Primaria.

Mes da Ciencia en Galego nas Bibliotecas_2022

Leer más publicaciones en Calaméo

Pecharemos o mes de novembro experimentando coas gafas anáglifo e o mural Visión 3D. Seleccionaremos unha lectura, polo 25N, para compartir na aula e extraer unha valoración final; de maneira que entre tod@s elaboremos a nosa produción propia, o Decálogo 3D: Diálogo + Dereitos + Dignidade.

Un mes no que CIENCIA, FALA e IGUALDADE serán palabras clave, porque seguimos querendo cambiar o conto.

NÓS... tamén escribimos!

Leo volta sorprendernos e... anímanos a mergullarnos na escrita, sendo escritoras e escritores no Milladoiro.

NÓS... tamén escribimos! será a actividade que nos unirá a tod@s, seguindo a nosa proposta de actividades e o lema elexido pola Asesoría BEGA,  coa máquina de escribir electrónica como ferramenta protagonista, a cal pasará por cada unha das aulas para crear a nosa produción propia. Premendo na imaxe accederedes aos recursos que facilitamos para seguir inFORMÁNDOSE.

Conmemoramos ao longo da semana o Día das Escritoras (17 de outubro) e o Día das Bibliotecas (24 de outubro) contando, tamén no corredor do 1º andar, co mural 18 Escritoras Galegas para pór en práctica a Formación de Usuari@s e alfabetización en información. 

Premendo na seguinte imaxe accederedes aos recursos que facilitamos para o desenvolvemento da Tarefa Integrada.

ELAS... TAMÉN ESCRIBEN! Igualdade de xénero no ámbito da literatura, en todos os ámbitos, todos os días do ano.

PDI NÓS 2022-23

PDI NÓS_2022-23

Leer más publicaciones en Calaméo

Presentamos as liñas xerais do noso Proxecto Documental Integrado (PDI) NÓS: patrimonio in-MATERIAL! que iniciamos o pasado curso arredor de Malpica e a Costa da Morte.

No presente curso ampliamos a mirada a nosa Comunidade Autónoma: Galicia, a cal será protagonista da proposta de actividades de centro e aula.

A necesaria transdisciplinariedade na Aprendizaxe Baseada en Proxectos (ABP) será base para unha educación pública e no rural de calidade, na que os ODS da Axenda 2030 e a Competencia Persoal, Social e de Aprender a Aprender serán imprescindibles.

A por un curso máis, valorando e salvagardando O NOSO!

O noso xogo: E ti, de quen vés sendo?

 

Instrucións_E ti, de quen ves sendo?_Xogo PDI NÓS_2021-22

Leer más publicaciones en Calaméo

Presentamos, en primicia, parte do xogo que en comunidade comezamos a crear no presente curso en relación co PDI que nos ocupa.

Un xogo de produción propia ideado a proposta do Equipo Creativo, en colaboración co Equipo de BE-DL, para reforzar a formación de usuari@s da nosa Biblioteca e profundizar nas nosas raíces: Malpica e Galicia.

Seguen en imprenta as tarxetas de preguntas e repostas elaboradas por cada grupo-clase arredor de Malpica e en produción as fichas-faro, gobeletes-nasa, polbos e caixas.

O vindeiro curso esperamos completar as tarxetas con preguntas arredor de Galicia, mais seguro que damos bo uso a esta primeira parte do noso xogo.

Parabéns a tod@s, pola fantástica produción creada en comunidade e con identidade.