20.12.22

Galioke 2022

 Galioke 2022

Premer na imaxe para acceder á galería de imaxes 

da xornada Galioke 2022

Presentamos o cartel do Galioke 2022 co que pecharemos o 1º trimestre 2022/23 para conmemorar un Nadal... xunt@s!

Xunt@s... cantaremos!

19.12.22

Árbores de Nadal... galitecnolóxicas!

Presentamos, en formato audiovisual, as árbores de Nadal que este curso, seguindo o PDI que nos ocupa, contan con adornos galegos e... tecnolóxicos!

Celebramos un Nadal cheo de cores propias e placas Micro:Bit que foron programadas por tod@s, grazas á formación impartida pola mestra Marta.

Un Nadal... á galega!

12.12.22

Guía de Nadal 2022

Leer más publicaciones en Calaméo

Presentamos a Guía de Nadal 2022. Unha guía para ter en conta non só este Nadal, se non todos os días do ano; xa que o mellor amigo para agasallar é... un libro!

O xoves 22 de decembro, último día lectivo do 1º trimestre, toda a comunidade educativa terá nas súas mans un prezado recurso de lecturas diversas: álbum ilustrado, narrativa, poesía, cómic (Banda Deseñada), música..

Guía Nadal 2022

Vivir... entre follas! Entre follas... compartimos, soñamos, crecemos!

Feliz Nadal lector a tod@s!

7.12.22

Exposición de Nadal 2022

Exposición Nadal 2022

Premer na imaxe para acceder á galería de fotos

Presentamos a segunda exposición do 1º trimestre adicada ao Nadal.

Unha exposición que acolle exemplares na nosa lingua para explorar diversos mundos lectores: poesía, banda deseñada, de consulta, narrativa, música...; atendendo a temáticas varias e educación en valores para a vida.

Algúns dos exemplares recóllense na guía de Nadal 2022 que entregaremos a toda a comunidade educativa o último día lectivo do trimestre porque...

Exposición Nadal 2022

AGASALLAR UN LIBRO É AGASALLAR...

O MELLOR AMIGO!

14.11.22

NUNCA MÁIS!_20 anos despois

Imaxe catálogo KOHA

No día de onte, 13 de novembro de 2022, cumpríronse 20 anos da maior catástrofe ecolóxica: o afundimento do Prestige, buque petroleiro que tinguiu de negro a nosa costa galega.

Hoxe, recordamos a marea negra e a marea de solidariedade, a marea branca, que asolagaron a nosa fermosa terra: Galicia.

Do exemplar ¡NUNCA MÁIS! A ollada da infancia, dispoñible na nosa Biblioteca (premer na primeira imaxe para acceder ao catálogo) e publicado por Kalandraka, extraemos unha páxina con acrósticos que resumen moi ben o que sentimos ante tal traxedia, mais tamén o que agromou de tanta impotencia e rabia ante o acontecido: solidariedade, esperanza e unha chamada ao sentido común para que non pase...

NUNCA MÁIS!

Imaxe interior exemplar ¡NUNCA MÁIS!

3.11.22

Novembro 2022: Mes da Ciencia en Galego nas Bibliotecas

Exposición Ciencia en Galego nas Bibliotecas

Iniciamos o Mes da Ciencia en Galego nas Bibliotecas, co deber de coñecer e transmitir ciencia na nosa lingua. Seguimos a ver moi necesario máis libros de consulta (Ciencias Naturais, Ciencias Aplicadas...) na nosa fala, faise imprescindible que as editoriais aposten pola divulgación científica, para peques e maiores, en Lingua Galega.

No corredor do 1º andar, xa está a disposición, de tod@s, a exposición Leo le... Ciencia en Galego, con exemplares en galego e para traducir ao galego, para seguir preguntando, sendo curios@s, investigando, experimentando... (premer na imaxe para acceder á galería de fotos da exposición)

Recursos aos que sumamos os incluídos na seguinte publicación. NÓS imos compartir ciencia na nosa fala: o alumnado de 2º e 3º ciclo de E. Primaria expoñerá o método científico dos experimentos que argallen ao alumnado de E. Infantil e 1º ciclo de E. Primaria.

Pecharemos o mes de novembro experimentando coas gafas anáglifo e o mural Visión 3D. Seleccionaremos unha lectura, polo 25N, para compartir na aula e extraer unha valoración final; de maneira que entre tod@s elaboremos a nosa produción propia, o Decálogo 3D: Diálogo + Dereitos + Dignidade.

Un mes no que CIENCIA, FALA e IGUALDADE serán palabras clave, porque seguimos querendo cambiar o conto.

ODS-Axenda 2030

Xandobela: xogando co patrimonio

Imaxe CEIP Milladoiro.Malpica

Premer na imaxe para acceder á galería de fotos

A nosa Biblio acolleu, no día de hoxe, unha actividade cultural promovida por Xandobela, que mediante o xogo achegou ao alumnado de 1º e 2º ciclo de Educación Primaria o noso patrimonio.

Da man de Nerea, pedagoga e educadora social, coñeceron o proxecto Xogando co patrimonio e desenvolveron a actividade, participativa e lúdica, "Pegadas do noso": lendas, adiviñas, música, seres mitolóxicos...; Patrimonio Cultural Inmaterial de Galicia.

Agradecemos proxectos como o de Xandobela, que achegan información arredor do patrimonio galego aos máis pequenos para seguir valorando e salvagardando o noso.

Grazas a Nerea polo seu bo facer e polo agasallo final: un carné de investigador-a da cultura galega para cada nen@.

Imaxe CEIP Milladoiro.Malpica

Na Biblioteca Milladoiro encantounos Xandobelar (palabra collida da xerga dos canteiros que significa xogar) co patrimonio.


28.10.22

Galibazas 2022

Presentamos, en formato audiovisual, a nosa tradicional exposición de cabazas do Samaín: 

Galibazas 2022

No presente curso, seguindo a proposta de actividades do 1º trimestre en relación co noso PDIsolicitamos a colaboración das familias para decorar cabazas moi, moi galegas: historia, arquitectura, música, paisaxe, tradicións, gastronomía... de Galicia

Parabéns, un Samaín máis, por tanta inventiva compartida en familia. Non deixa de sorprendernos a vosa gran creatividade.

19.10.22

Cancioneiro de Buño: presentación na sede da RAG

Imaxe CEIP Milladoiro.Malpica

Cancioneiro de Buño, un dos exemplares doado polo Concello de Malpica a nosa Biblioteca, foi presentado, no día de onte, na sede da Real Academia Galega.

A esta presentación asistiu o noso alumnado de 5º e 6º de Primaria acompañados polos seus titores. Na presentación deron boa conta das coplas recollidas no libro que aúna dous mundos creativos: a olería e a literatura popular. Premendo na seguinte imaxe accederedes ao álbum de fotos da xornada.

Imaxe Real Academia Galega

Voltaron da presentación co noso exemplar asinado polo editor literario, o cal recolle na dedicatoria a importancia de valorar e salvagardar o noso rico pasado.

Imaxe CEIP Milladoiro.Malpica

Agradecemos a doazón dos exemplares por parte da Concellería de Educación, Cultura, Patrimonio e Deportes do noso Concello, así como a saída complementaria do noso alumnado para asistir á presentación na sede da RAG.

Educando en comunidade!

Axenda 2030: ODS 4

16.10.22

NÓS... tamén escribimos!

Imaxe CEIP Milladoiro.Malpica

Leo volta sorprendernos e... anímanos a mergullarnos na escrita, sendo escritoras e escritores no Milladoiro.

NÓS... tamén escribimos! será a actividade que nos unirá a tod@s, seguindo a nosa proposta de actividades e o lema elexido pola Asesoría BEGA,  coa máquina de escribir electrónica como ferramenta protagonista, a cal pasará por cada unha das aulas para crear a nosa produción propia. Premendo na imaxe accederedes aos recursos que facilitamos para seguir inFORMÁNDOSE.

Conmemoramos ao longo da semana o Día das Escritoras (17 de outubro) e o Día das Bibliotecas (24 de outubro) contando, tamén no corredor do 1º andar, co mural 18 Escritoras Galegas para pór en práctica a Formación de Usuari@s e alfabetización en información. 

Premendo na seguinte imaxe accederedes aos recursos que facilitamos para o desenvolvemento da Tarefa Integrada.

Imaxe CEIP Milladoiro.Malpica
Imaxe CEIP Milladoiro.Malpica

ELAS... TAMÉN ESCRIBEN! Igualdade de xénero no ámbito da literatura, en todos os ámbitos, todos os días do ano.

3.10.22

PDI NÓS 2022-23

Presentamos as liñas xerais do noso Proxecto Documental Integrado (PDI) NÓS: patrimonio in-MATERIAL! que iniciamos o pasado curso arredor de Malpica e a Costa da Morte.

No presente curso ampliamos a mirada a nosa Comunidade Autónoma: Galicia, a cal será protagonista da proposta de actividades de centro e aula.

A necesaria transdisciplinariedade na Aprendizaxe Baseada en Proxectos (ABP) será base para unha educación pública e no rural de calidade, na que os ODS da Axenda 2030 e a Competencia Persoal, Social e de Aprender a Aprender serán imprescindibles.

A por un curso máis, valorando e salvagardando O NOSO!


13.6.22

O noso xogo: E ti, de quen vés sendo?

 Imaxe CEIP Milladoiro.Malpica

Leer más publicaciones en Calaméo

Presentamos, en primicia, parte do xogo que en comunidade comezamos a crear no presente curso en relación co PDI que nos ocupa.

Un xogo de produción propia ideado a proposta do Equipo Creativo, en colaboración co Equipo de BE-DL, para reforzar a formación de usuari@s da nosa Biblioteca e profundizar nas nosas raíces: Malpica e Galicia.

Seguen en imprenta as tarxetas de preguntas e repostas elaboradas por cada grupo-clase arredor de Malpica e en produción as fichas-faro, gobeletes-nasa, polbos e caixas.

O vindeiro curso esperamos completar as tarxetas con preguntas arredor de Galicia, mais seguro que damos bo uso a esta primeira parte do noso xogo.

Parabéns a tod@s, pola fantástica produción creada en comunidade e con identidade.


3.6.22

Un verán... MATERIAL!


Publicamos a guía de verán 2022. Libros de tipoloxías diversas: cómic, poesía, de Lectura Fácil, con pictogramas, informativos... e xogos! Para emocionarse compartindo, descubrindo, pasando páxina.

Tríptico que se entregará a alumnado e profesorado, o último día lectivo, xunto cun exemplar dunha nova edición da nosa revista escolar DígochoEu.

Desexamos un verán solleiro e salgado que entre libros e xogos seguro será... MATERIAL!

30.5.22

A Xanela do Maxín: Toupiciencia Show

A pasada semana, o alumnado de 4º E.Infantil a 2º de E. Primaria experimentou na biblioteca grazas ao divertido espectáculo, Toupiciencia, da man de Toupiña e o seu axudante Petronio. Un proxecto de dinamización científica EN GALEGO que xa divulgamos no 1º trimestre.

Realizaron experimentos que nos achegaron ao método científico de forma dinámica e facendo maxia, xa que o seu labor é a busca de futur@s científi@s.

Moitas grazas ao Consorcio Editorial Galego pola fantástica experiencia cultural e científica con A Xanela do Maxín.

Foi unha actuación espectacular onde o pasamos xenial e despois de dous cursos de cultura a distancia... chegou o gran día de voltar escoitar as gargalladas d@s nen@s, grazas ao teatro, na nosa Biblio.

Premer na imaxe para acceder á galería
Axenda 2030

17.5.22

Letras Galegas: Malpica, a nosa vila

Presentamos, en formato audiovisual, o produto final creado por tod@s no noso Mes das Letras, conmemorando o Día das Letras Galegas en relación co PDI do presente curso.

A exposición de fotografías cedidas por Xurxo Alfeirán Chouciño e que titulamos Malpica, a nosa vila, motivou as creacións poéticas de cada grupo-clase.

Premendo na imaxe accederedes ao álbum de fotos da exposición.

Exposición Malpica, a nosa vila











Felicitar a alumnado e profesorado polas producións propias creadas con sentimento. Versos que debuxan a Malpica que foi, que é e que sempre será: a nosa vila, terra de vida!

Feliz Día das Letras Galegas a tod@s, hoxe e todos os días do ano!




13.5.22

Premiad@s: IV Concurso Podcasts-Radio na Biblio

Premio IV Concurso Podcasts-Radio na Biblio
Voltamos estar en hora boa. Se no 2º trimestre recibiamos o Sello CCB 2021, neste 3º trimestre acabamos de coñecer que fomos PREMIAD@S no...

 IV Concurso de Podcasts - Radio na Biblio

Un marabilloso produto final de produción propia, en formato regueifa, arredor da biografía de Florencio Delgado Gurriarán, autor homenaxeado polo Día das Letras Galegas 2022.

A nosa participación na modalidade II (alumnado de 3º a 6º de Primaria) obtén como premio unha asignación extraordinaria de 1.000 € destinada, tal e como recolle a convocatoria do concurso, a melloras ou actividades relacionadas co funcionamento do laboratorio de radio, sempre vinculado á biblioteca do centro.

Premendo na imaxe accederedes a memoria e escaleta remitida ao concurso e na cal se recollen @s participantes que deron vida e personalidade malpicá a produción escrita "Unha regueifa a Don Florencio", que foi posible grazas a implicación e colaboración de Charo (nai dun alumno do centro e membro da ANPA) e do profesorado do Equipo de Radio na Biblio.

Un premio ao traballo feito EN COMUNIDADE E CON IDENTIDADE!

A desfrutar do podcast premiado, xa publicado no portal da Radio Galega, e...

Parabéns, unha vez máis, a TOD@S!

5.5.22

Concerto de Lydia Botana

No día de onte, o alumnado de E. Infantil, 1º e 2º de Primaria desfrutou do concerto de Lydia Botana grazas a Concellería de Educación e Cultura do Concello de Malpica dentro do seu programa de actividades "Malpica nun mar de Letras 2022"

Lydia presentou o seu traballo "De aquí para alá" onde @s nen@s acompañaron a unha bolboreta na súa viaxe arredor do mundo.

Premendo na imaxe accederedes ao álbum de fotos da festiva sesión.

Concerto Lydia Botana

Agradecid@s ao Concello por achegarnos cultura, un curso máis, nun maio conmemorando AS NOSAS LETRAS!

4.5.22

Florencio Delgado Gurriarán: AS NOSAS LETRAS!

AS NOSAS LETRAS!

Presentamos a exposición AS NOSAS LETRAS! adicada ao autor elexido pola Real Academia Galega para conmemorar o Día das Letras Galegas 2022: Florencio Delgado Gurriarán.

Exposición que acolle exemplares de recente publicación, entre os que destacan títulos de Lectura Fácil (con pictogramas), así como recursos en liña a través do código QR que enlaza a páxina web da RAG, Primavera das Letras, onde se recollen outros recursos como:

Premendo na imaxe accederedes ao álbum de fotos da exposición.

Asemade, elaboramos o caderno Leo anímate a... investigar! para desenvolver arredor do escritor valdeorrés e coñecer, valorar a súa escrita, a súa contribución a nosa lingua, a nosa terra.

Imaxe CEIP Milladoiro.Malpica

Con Florencio Delgado Gurriarán pechamos as exposicións trimestrais adicadas a escritores/as galegos/as, que naceron, este curso, co obxectivo de dinamizar a nosa lingua, a nosa escrita.

Festexando as Letras Galegas, dinamizando e divulgando AS NOSAS LETRAS todos os días do ano.

23.4.22

Mes das Letras 2022

Inciamos 3º trimestre e o noso Mes das Letras para, dende o 19 de abril ao 17 de maio, aprender divertíndonos arredor da lectura, da escrita, da historia propia e allea...

Hoxe, Día Mundial do Libro e do Dereito de Autor, queremos destacar o díptico publicado pola Asesoría BEGA para a súa difusión e no cal podemos ler o texto orixinal de Xosé Ballesteros. Un fermoso texto do proceso creativo, vivo e colectivo do libro, compañeiro de vida.

Imaxe Asesoría BEGA

Destacar tamén o Manifiesto por la lectura da escritora e filóloga Irene Vallejo Moreu, publicado por Siruela. Manifesto que reflicte o amor da autora polos libros, a importancia da lectura como base da democracia, da empatía, como ferramenta de resistencia ao inmediato, de memoria colectiva, patrimonio de vida. En palabras da autora e como sinopse do seu Manifesto: 

"Somos seres entretejidos de relatos, bordados con hilos de voces, de historia, de filosofía y de ciencia, de leyes y leyendas. Por eso, la lectura seguirá cuidándonos si cuidamos de ella. No puede desaparecer lo que nos salva. Los libros nos recuerdan, serenos y siempre dispuestos a desplegarse ante nuestros ojos, que la salud de las palabras enraíza en las editoriales, en las librerías, en los círculos de lecturas compartidas, en las bibliotecas, en las escuelas. Es allí donde imaginamos el futuro que nos une".

NÓS seguiremos dando conta da nosa andaina educativa a prol da lectura, dos libros e da cultura, sempre en comunidade.

Así iniciamos a proposta de actividades trimestral: Lectura na rúa.

Feliz Día do Libro a tod@s!

10.3.22

Semana da Prensa: Abraham Carreiro

Encontro con Abraham Carreiro
Esta Semana da Prensa 2022 dinamizamos o xornal da xente miúda: O Papagaio.

As aulas adicaron algunha das sesións Hora de Ler ao xornal do cal somos subscritores dende a súa primeira edición. Premendo na seguinte imaxe accederedes ao recurso que facilitamos para divulgar lectura, información en outro formato.

Expositor xornal O Papagaio

Pechando a semana, no día de hoxe, o alumnado de 6º de Primaria desfrutou do Encontro con Abraham Carreiro, director do xornal, creador dun proxecto editorial para @s nen@s e en galego. 

O alumnado e profesorado quedamos encantad@s con este encontro, que nos permitiu coñecer o proceso de creación do xornal e mesmo ilustramos, con Abraham, diferentes Papagaios.

Un pracer contactar con Abraham Carreiro, ao cal agradecemos a súa amabilidade e cercanía fronte á frialdade das pantallas.




26.2.22

Entroido 2022: Madamit@s do Milladoiro

Festexamos o Entroido 2022, seguindo o PDI de centro, como Madamit@s!

Un Entroido moi noso que, unha vez máis,  foi posible grazas ao traballo en comunidade:

  • O alumnado pola súa ilusión, motivación e esforzo en cada paso dado: paseo, punto... e volta!
  • As familias pola súa colaboración na elaboración dos disfraces.
  • Ao profesorado pola súa implicación no tratamento da nosa tradición entroideira, achegándonos as nosas raíces, facilitando os recursos e esforzos compartidos para vivir o noso patrimonio.
  • Ao persoal non docente por todo o apoio prestado.

Valorando, concienciando da imprescindible educación en comunidade.

Parabéns a tod@s, un Entroido moi malpicán, un Entroido... MATERIAL!

A seguir gozando do Entroido! Premendo no seguinte enlace accederedes ao programa de actividades programadas polo Concello:

Entroido 2022 en Malpica

Axenda 2030

24.2.22

Día de Rosalía 2022

Celebramos, e vaia se celebramos, o Día de Rosalía!

Premendo na imaxe accederedes ao álbum de fotos da xornada.

Ao mural do curso pasado, Cartas a Rosalía, demos continuidade co mural do presente curso seguindo o lema da Asociación de Escritoras e Escritores en Lingua Galega: #SementadePensamentos.

Pensamentos de Rosalía: palabras, versos... e para Rosalía, a súa flor preferida, creadas con libros de expurgo pol@s nen@s de cada aula.

A nosa Biblioteca, o noso colexio segue a celebrar o Día da nosa querida escritora arredor da cal demos tratamento a súa biografía, a súa escrita, a súa gran persoa; pechando a xornada cun libro para casa e cunha flor-marcapáxinas.

En proceso de edición están os poemas de Rosalía gravados por cada aula para conformar un audiolibro de produción propia e a aula de 6º de Primaria compartiu con tod@s un adianto da canción que crearon, Rocksalía, baixo a coordinación do mestre de Música.

E para rematar, deixamos a listaxe de enlaces das publicacións feitas nalgúns dos blogs de ciclo: 

Parabéns a tod@s polo gran traballo desenvolto arredor de Rosalía!

Feliz Día de Rosalía, onte, hoxe... todos os días do ano!

20.2.22

Día Internacional da Lingua Materna

Hoxe celebramos o Día Internacional da Lingua Materna co obxectivo de promover o plurilingüísmo e a diversidade cultural. Así foi proclamado pola Confederación Xeral da UNESCO en novembro de 1999.

Imaxe www.unesco.orgPremendo na imaxe accederedes á mensaxe da Directora Xeral da UNESCO: Audrey Azoulay

NÓS seguimos querendo pór en valor a importancia da nosa LINGUA NAI, principal vehículo para manter vivo O NOSO PATRIMONIO CULTURAL; medrando con identidade, con raíces sans e fortes no noso país da choiva, país de madeira e metal.. entre gaitas, ferreñas e alalás!

Imaxe BE Milladoiro. Malpica

Feliz Día da Lingua Nai a tod@s!

8.2.22

A Xanela do Maxín: Leonardo e os Biosbardos

A Xanela do Maxín
No día de hoxe, todo o alumnado de Primaria gozou da excelente función teatral Leonardo e os Biosbardos de A Xanela do Maxín no Centro Cívico.

Unha función cunha posta en escena que a todas/os marabillou e unha fantástica adaptación do libro de relatos Os Biosbardos de Eduardo Blanco Amor.

Premendo na imaxe accederedes ao álbum de fotos da función.

Seguimos dinamizando cultura, a nosa cultura!

7.2.22

Rosalía de Castro: AS NOSAS LETRAS!

AS NOSAS LETRAS! Rosalía de Castro

Presentamos a exposición AS NOSAS LETRAS! do 2º trimestre que, como non podía ser doutro xeito, está adicada a Rosalía de Castro.

O Día de Rosalía pasa a conmemorarse o 23 de febreiro tras o descubrimento da súa data de nacemento, tal e como recolle a Xunta de Galicia na súa páxina de novas.

A Asociación de Escritoras e Escritores en Lingua Galega vén de publicar a súa proposta de actividades para celebrar o Día da escritora, #SementadePensamentos; entre as cales destaca, dende o ano 2010, o agasallo dun libro e dunha flor.

Imaxe de www.aelg.gal

Coma cada curso escolar celebraremos o seu Día e daremos conta del.

Seguimos querendo... salvagardar o noso!

Axenda 2030