Leer más publicaciones en Calaméo
Un Nadal máis chegan as luces: libros que brillan con luz propia para regalar este Nadal e... todos os días do ano!
Libros para emocionar, para saber, para ler en viñetas, libros en recordo a O Hematocrítico.
Tríptico que se repartirá o último día lectivo do trimestre para ter sempre a man.
Que nunca vos falte a luz dun bo libro, este Nadal e sempre.
Premer na imaxe para acceder á galería de fotos
Ao longo do 1º trimestre a exposición AS NOSAS LETRAS! volveu presidir o corredor do 1º andar coa finalidade de divulgar, dar a coñecer, valorar á poeta, narradora, profesora e académica...
O alumnado de 5º de primaria conta no seu intinerario lector cun título da escritora, Nogard, que foi reeditado no ano 2022 mais a súa primeira publicación data de 1994. Unha xoia literaria nas mans d@s nen@s de 5º, que xa pasa a formar parte da súa biblioteca persoal.
No álbum de fotos recóllese o traballo do grupo-aula ao redor da vida e obra de Marilar Aleixandre, para pór cara á autora do libro e coñecela un pouco máis.
Ao tempo, premendo na seguinte imaxe accederedes á experimentación, ao xogo do grupo ao redor de Nogard na aula de cociña: unha experiencia lectora lúdica e creativa.
Continuará...
Leer más publicaciones en Calaméo
No mes de novembro a lectura activa e a medicina, en relación co PDI que nos ocupa, serán o punto de partida da experimentación e do tratamento de valores para a igualdade e a convivencia.
As exposicións ubicadas no corredor e no escenario da biblioteca acollen exemplares diversos: álbum ilustrado, poesía, narrativa... para receitar lecturas de vida.
Un mes para experimentar na nosa lingua e para valorar a lectura activa como ferramenta de construción educativa e social que facilita o cambio.
Pechamos a semana, na que iniciamos a XIV Lecturas Terroríficas, co concerto de Xoán Curiel.
Un concerto que tod@s gozamos: bailamos, cantamos e tamén nos asustamos. Pasámolo... de medo!
O concerto finalizou e Xoán Curiel regalounos o seu último libro-cd, en colaboración con Charo Pita, "Estamos no verán" e con dedicatoria incluída; tamén nos regalou parte do seu tempo para asinar outros exemplares da nosa biblio como podedes ver na seguinte imaxe (premendo nela accederedes ao álbum de fotos do concerto)
Agradecid@s a Xoán Curiel e o seu gran labor cultural e de dinamización da lingua.
.jpg "CEIP Milladoiro. Malpica")
Presentamos o mural que preside o corredor do 1º andar, ao lado da biblioteca, para implementar, ao longo do mes de outubro, a nosa formación de usuari@s; conmemorando o Día das Escritoras (16 de outubro) e o Día das Bibliotecas (24 de outubro)
Un mes que dedicamos a mulleres ilustradoras e galegas, mulleres que escriben historias con cada unha das súas ilustracións e ás que queremos valorar como parte imprescindible non só da banda deseñada/cómic (temática elexida pola Asesoría BEGA), tamén da narración, da poesía, dos libros de información... que atesouramos na nosa biblio.
Un mes para refrescar contidos: organización da biblio, identidade dos libros, sinaturas, recuperación de exemplares... e que enlazamos coa escritura creativa en forma de globos de diálogo/pensamento.
A seguir formándonos, preguntándonos, valorando ás escritoras de puño e letra e... ás escritoras de lapis e cores!
Leer más publicaciones en Calaméo
Presentamos a guía de verán 2023. Unha guía con moitas preguntas, unha guía para cumprir retos varios: saber, xogar, cantar, contar... vivir!
O último día lectivo tod@s teremos nas nosas mans títulos diversos para lectoras/es divers@s.
Feliz verán... lector!
Fabuloso produto final no noso Mes das Letras: a produción propia "Se me vou", que tan ben presentaron no Festival das Letras Galegas as aulas de 5º e 6º de primaria.
En esta peza audiovisual todos os grupos-clase coordinados por Estefanía, mestra de Música, dan vida á canción.
Parabéns a tod@s pola fantástica produción e a seguir usando a nosa lingua para aprender, para rir, para sentir...
Presentamos as últimas pezas audiovisuais da nosa actividade de dinamización da lingua enmarcada no PDI NÓS: DichoLeo.
As aulas do 3º ciclo de primaria pechan as producións propias ao redor de vocabulario na nosa lingua.
Felicitar a ambos grupos polas súas producións audiovisuais.
No día de mañá, venres 19 de maio, celebraremos o noso Festival das Letras onde, ademais de gozar de cada unha das actuacións de aula, visualizaremos todas as producións propias que reunimos nunha soa presentación e á que podedes acceder premendo na seguinte imaxe.
O vindeiro curso... máis!
Parabéns a tod@s, producións propias excelentes.
Continuará!
Hoxe presentamos a peza audiovisual da aula de 2º de primaria.
Nen@s reproducindo conversas cotiás onde a lingua importa, DichoLeo!
Parabéns a tod@s pola fantástica produción.
Continuará!
Para celebrar o Día das Letras presentamos as dúas pezas audiovisuais, DichoLeo, d@s cativiñ@s do Milladoiro.
A primeira peza, da aula de 4 anos, sigue as rutinas escolares para ir coñecendo novas palabras na nosa lingua nai.
Esta segunda peza, da aula de 5 anos, reproduce un aniversario no que imos coñecendo o seu vocabulario propio.
Parabéns a tod@s, fantásticas producións propias.
Feliz Día das Letras Galegas!
Continuará!
"A viaxe feliz de Ramón Sanfiz" de Fantoches Bj foi a peza que nos levou de viaxe por Galicia. Un teatro itinerante: triciclo, títeres, instrumentos musicais, kamishibai... para homenaxear e achegar a nenas e nenos a obra de Francisco Fernández del Riego.
Agradecemos ao Concello o convite cultural que tan ben acae no noso Mes das Letras.
Unha peza máis do nosa actividade audiovisual... DichoLeo!
O alumnado de 1º de primaria baixou á praza de abastos da vila para tratar palabras relacionadas co mar. Agradecemos a colaboración do persoal da praza, que amablemente cedeu o posto comercial para realizar as gravacións.
Parabéns a aula de 1º, marabillosa produción propia.
Continuará!
Protagonizando cada vídeo, @s nen@s van ofrecéndonos pílulas de normalización e dinamización da nosa lingua galega; grazas, sempre, ao dicionario que nos ofrece Leo, a nosa serea lectora, porque... DichoLeo!
Parabéns a aula de 3 anos pola súa fantástica produción.
Continuará!
Xa queda pouco para celebrar o Día das Letras Galegas, e polo tanto para o noso Festival das Letras 2023.
Para ir abrindo boca deixamos un podcast dunha das actuacións que veremos no noso Festival. Un podcast creado polo alumnado de 6º de Educación Infantil en formato 1, 2, 3... responda outra vez!
Esperamos que vos guste!!
.jpg "CEIP Milladoiro.Malpica")
Premer na imaxe para acceder ao álbum
Ao longo do 3º trimestre a exposición AS NOSAS LETRAS! está adicada ao persoeiro homenaxeado este ano, pola Real Academia Galega, co Día das Letras: Francisco Fernández del Riego
A exposición está composta polos diversos exemplares de nova adquisición e por recursos materiais alleos e propios, entre eles o noso caderno de produción propia Leo anímate a... investigar!, para traballar nas aulas a súa biografía e obras. Recursos alleos que se aloxan nas seguintes páxinas:Asemade expuxemos os carteis que recibimos da Real Academia Galega, como se pode ver na seguinte imaxe.
.jpg "CEIP Milladoiro.Malpica")
Pechamos así, un curso máis, a exposición adicada a escritoras e escritores galeg@s que se fai imprescincible coñecer e valorar:
Chegou... o gran día!
A nosa produción propia anual xa está na imprenta e aquí se presenta en formato dixital.
Unha produción de tod@s, que este curso, en relación co noso PDI e dinamizando a Banda Deseñada, titulamos GaliCómic.
Cada aula ideou, creou o seu propio cómic en relación con Galicia: experiencias escolares, historia, aventuras, gastronomía, os seres mitolóxicos e... ata unha heroína! Temáticas diversas as que conforman os 8 cómics que en primicia presentamos e que compartiremos polas aulas ao longo da semana das Letras Galegas (do 15 ao 19 de maio). Asemade, están expostos nos corredores do cole.
Premer na imaxe para acceder ao álbum de fotos
Unha proposta de actividade anual, enmarcada no PDI NÓS, que nos permitiu crear a nosa propia marca:
Só nos queda dicir...
O bo facer de Sara, de A Xanela do Maxín, fixo que sigamos a reflexionar sobre o coidado do medio e a reciclaxe. A peza titulada "Sorpresa" vai narrando, mediante caixas sorpresa, pequenos contos que invitan á reflexión coas diversas preguntas que pechan cada relato.
Agradecemos, un curso máis, ao Consorcio Editorial Galego á fantástica experiencia cultural e de sensibilización medioambiental.
.jpg "CEIP Milladoiro.Malpica")
.jpg "CEIP Milladoiro.Malpica")
A exposición xunto cos cadernos Leo anímate a... investigar! e os recursos en liña foron o punto de partida para aventurarse no saber máis e... no ler máis: ler a Rosalía e a Eva é unha viaxe emocional marabillosa.
O alumnado de 6ºEP nas sesións de Aprender a investigar foi o encargado de recuperar a bibliografía de Eva Mejuto dispoñible na nosa biblio e organizar a exposición.
Pecharemos o presente curso coa exposición adicada a Francisco Fernández del Riego, elección da RAG para conmemorar o Día das Letras Galegas e do cal podemos saber máis accedendo á web da RAG adicada ao autor: Primavera da Letras.
Que medre o noso coñecemento arredor de escritoras e escritores galegas e galegos que é imprescindible ler e valorar.
.jpg "CEIP Milladoiro. Malpica de Bergantiños")
Conmemoramos o Día de Rosalía de Castro cun libro e unha flor... pulseira!
Asemade, unímonos á proposta da Asociación de Escritores e Escritoras en Lingua Galega (AELG) e seguindo o manifesto escrito por Carme Adán escribimos palabras, e palabras e palabras! Palabras que eleximos da lectura de diversos poemas de Rosalía e que logo pegamos dentro da súa silueta.
Rosalía de Castro, que a forza das túas palabras impulse as nosas propias para seguir mellorando o presente, un futuro que siga sendo noso, da nosa terra, para seguir tendo voz propia hoxe e sempre: NÓS.
Presentamos o vídeo resumo da nosa celebración de Entroido que este curso, seguindo o PDI NÓS, tivo como lema "Galihistoria". Un percorrido pola historia de Galicia: etapas históricas, cultura, gastronomía, catástrofe ecolóxica e mitoloxía foron as elexidas para conmemorar un Entroido moi galego.
Premer no seguinte enlace para acceder á galería de fotos da xornada:
Feliz Entroido 2023!
Hoxe comezamos a celebración do Entroido no Milladoiro!!! E como non podía ser doutro xeito fixémolo xuntos, en comunidade, no Centro Cívico.
Para iso, todos e todas viñemos ó cole disfrazados como quixemos e gozamos da actuación musical de Pesdelán, unha agrupación coa que non paramos de bailar e aprender danzas do Entroido de diversos lugares: Argentina, Colombia, Perú, Euskadi... e por suposto Galicia.
PASÁMOLO EN GRANDE!!
.JPG "Andrea Maceiras")
Inciamos o presente curso coa exposición AS NOSAS LETRAS! adicada á escritora Andrea Maceiras por elección do alumnado de 6ºEP que teñen un dos seus títulos como libro do Plan Lector Anual: A folla azul.
Así, na área Aprender a investigar realizaron a súa biografía grazas ás fontes documentais e dixitais. Asemade, remitiron un correo electrónico á autora para convidala a visitar a nosa escola e... conseguimos cadrar datas!
No día de onte, mantiveron un encontro coa autora; a cal agradecemos a súa amabilidade, pois non só asinou o exemplar de cada nen@ e no caderno da biblio, tamén respostou a cada unha das preguntas dentro da entrevista que desenvolveron na nosa Radio Balea.
.jpg)
Grazas a Andrea Maceiras pola súa cercanía e bo facer; así como a Editorial Xerais por facilitarnos o encontro.
