Semana da prensa: O Papagaio

Do 9 ao 15 de marzo conmemoramos a Semana da Prensa 2026 co expositor permanente do xornal O Papagaio.

Animamos á comunidade a facer uso do xornal da xente miúda, un xornal en galego que, atendendo á actualidade, achega diversidade de contidos con alto valor educativo.

Premendo no seguinte enlace accederedes á páxina web do xornal e ao seu quiosco dixital facendo uso das credencias dadas ao comezo de curso:

• O Papagaio, o xornal da xente miúda

Un xornal, en soporte papel ou dixital, para seguir informándose e gozando da lectura como fonte de placer e benestar.

Exposición 8M: Galegas nas artes

Premer na imaxe para acceder á galería de fotos

Presentamos a nova exposición temporal, Galegas nas artes, con diversidade de recursos bibliográficos para dar apoio á proposta de actividades relacionadas co PDI de centro, concretamente á Semana da Muller 2026.

Os grupos-aula contan con exemplares para informarse, para investigar arredor dunha muller galega destacada nalgunha das sete artes e redactar a súa biografía, proposta esta do equipo de 2º ciclo de educación primaria.

Muller, Galicia e Arte conforman o trío protagonista para conmemorar o 8M.

AS NOSAS LETRAS: Rosalía de Castro

Premer na imaxe para acceder á galería de fotos

Conmemoramos o Día de Rosalía de Castro coa exposición AS NOSAS LETRAS, exposición trimestral que acolle exemplares de diversas autorías galegas.

Exposición da que o alumnado de 4º de infantil fixo bo uso, celebrando o Día de Rosalía e desenvolvendo a biografía da autora en relación coa Semana da Muller 2026, adicada a mulleres galegas relevantes en diversas artes, e o PDI que nos ocupa.

Premer na imaxe para acceder a máis información

Feliz Día de Rosalía, hoxe e todos os días do ano!

Guía de Nadal 2025

Guía de Nadal 2025_BE Milladoiro de Fátima Romero Olveira

Un ano máis chega a guía de Nadal. Unha guía que recolle lecturas diversas para lectores/as divers@s.

Un Nadal cheo de palabras. Lecturas que acollen palabras emocionantes, divertidas, curiosas, rebuldeiras para compartir, informarse, rir...

A seguinte imaxe reflicte a exposición de Nadal, a cal acolle máis lecturas para agasallar.

Regalos para este Nadal ou calquera día do ano. 

Mes da Ciencia en Galego nas Bibliotecas 2025

Premer na imaxe para acceder ao recurso creativo

Presentamos o recurso creativo deseñado polo equipo de BE-DL para conmemorar o Mes da Ciencia en Galego nas Bibliotecas.

Un recurso a disposición de toda a comunidade na nosa aula taller e que ten como obxectivo a búsqueda de información para programar o robot educativo elexido e chegar a casa correspondente do taboleiro robótico.

Un recurso para todo o curso escolar, conmemorando o Mes da Ciencia, o Día da Muller, dando tratamento á igualdade de xénero, a dinamización da nosa lingua e ao acceso á información, entre outros contidos.

Ao tempo, achegamos enlace a outros recursos dispoñibles no blog da Asesoría BEGA en relación coa conmemoración:

• Mes da Ciencia en Galego nas Bibliotecas 2025

Por unha ciencia en galego e en igualdade... todos os días do ano!

Entrega I Premio "Na lingua que eu falo" da RAG

 

O vindeiro luns 17 de novembro ás 11:00 horas terá lugar no Centro Cívico a entrega do I Premio "Na lingua que eu falo" da Real Academia Galega. Premio a toda unha comunidade implicada e concienciada na dinamización e normalización da nosa lingua nai.

A imaxe reflicte o convite que desde a Dirección do centro se remitiu a diversos membros, propios ou alleos á comunidade, e a cal queremos dar difusión desde o blog da nosa biblioteca.

As portas do Centro Cívico abriranse o luns 17 a todas/os as/os que queiran compartir coa nosa comunidade a entrega de dito galardón da man dos académicos da RAG.

Achegamos a nota de prensa publicada na páxina web da RAG: 

• Nota de prensa da RAG

Premendo no seguinte enlace accederedes as imaxes da entrega do premio:

• Entrega I Premio Na lingua que eu falo da RAG

Premiad@s RAG: "Na lingua que eu falo"

 

Premer na imaxe para acceder ao documento

Hoxe, Día Europeo das Linguas, celebramos o I Premio "Na lingua que eu falo" da Real Academia Galega (RAG) que foi concedido a nosa comunidade educativa.

Un premio que visibiliza o traballo silandeiro e continuo a prol da normalización e dinamización da nosa lingua, o bo facer de toda unha comunidade implicada na protección e conservación da lingua que nos é propia.

Premendo na seguinte imaxe poderedes acceder ao dossier de prensa, achegado pola RAG, no que se recolle a boa nova publicada en diversos medios:

https://praza.gal/cultura/o-ceip-milladoiro-de-malpica-de-premio-un-colexio-orgulloso-da-sua-lingua

Seguimos dinamizando a lingua, concienciando da necesidade de conservar o noso rico patrimonio, orgullo@s do noso, hoxe e sempre; tal e como se pode ver na seguinte produción audiovisual:

Agradecid@s á Real Academia Galega polo galardón concedido e...

PARABÉNS A TODA A COMUNIDADE!

Revista 2025

Unha nova edición da nosa revista escolar DígochoEu!

Un curso no que pechamos PDI de centro e festexamos as Letras Galegas de maior identidade: a poesía popular oral, entre as homenaxeadas as Pandereteiras de Mens.

Tod@s contamos e temos moito que contar, tal e como se reflicte en cada páxina da revista.

O vindeiro curso... nova publicación!

Guía de verán 2025

Guía de verán 2025 de bemilladoiro

Presentamos a guía de verán 2025, festexando a chegada dunha nova estación entre libros e outros materiais educativos para o tempo de lecer.

Un tríptico en formato papel que será entregado a toda a comunidade o último día lectivo, xunto cun exemplar da nosa revista escolar que tamén ofrecemos en formato dixital para poder acceder a máis información premendo en cada enlace.

Libros para todos os gustos, para divertirse, emocionarse, informarse e xogos para compartir en familia ou con amig@s.

Este verán, Leo le... a gusto!

Anxo Moure: natureza e tradición

 

Premer na imaxe para acceder á galería de fotos

O alumnado de educación infantil e 1º ciclo de primaria gozou cos contos e cantos de Anxo Moure. Contando, cantando e tocando animou a pequen@s e maiores, transmitindo o respecto, coidado e preservación do medio. Historias solidarias coa terra e as persoas que a habitan, defendendo o conto como ferramenta educativa, tal e como se recolle no proxecto de Anxo Moure: contos solidarios.

O seguinte vídeo é un resumo da divertida e educativa sesión con Anxo Moure.

Agradecid@s ao Consorcio Editorial Galego por facilitarnos a sesión e a Anxo Moure pola súa gran sensibilidade e amabilidade.

Axúdame a cantar

No día de hoxe, o alumnado de 5º e 6º de primaria asistiu e participou na actuación de Felisa e Montse, Axúdame a cantar, que se realizou no Centro Cívico e Cultural e dentro do programa "Nun Mar de Letras" do Concello de Malpica.

Finalizaron con agasallos en forma de libro para todas/os, Agora que vén a noite de Marcos Calveiro. Un exemplar que tamén catalogaremos na nosa biblio.

Agradecid@s ao Concello por facilitarnos actividades culturais, festexando... AS NOSAS LETRAS!

Galicómic 2025

Presentamos, en formato dixital, a terceira edición do noso Galicómic: produción propia de banda deseñada, en lingua galega, e facendo uso da fotografía ou a técnica croma key.

Nenas/os protagonistas das súas producións, en relación co PDI: natureza, saídas, respecto e coidado do medio, benestar persoal e social...

Produción propia que está en proceso de maquetación para ser catalogada na nosa biblio, valorando e custodiando as producións de todas e todos.

Un curso máis, parabéns a tod@s!

Encontro con Antón Cortizas

O escritor Antón Cortizas, mestre xubilado, mantivo un encontro coas aulas de 2ºA e 2ºB/3º de primaria para falar sobre o seu libro, "Os versos da mariola", incluído no Plan Lector das aulas.

Unha xornada entre libros, brinquedos de papel e xogos de palabras que tan ben argalla Antón. Ao tempo, asinou os exemplares do alumnado, da biblioteca e entregounos un fermoso agasallo en forma de libro, "Tenrura", tamén asinado polo autor.

Premer na imaxe para acceder á galería de fotos

Agradecid@s a Antón pola súa amabilidade, bo facer e o agasallo en forma de libro para a nosa biblio (na imaxe o exemplar "Tenrura" da súa autoría, un fermoso agasallo asinado); así como a Edicións Embora que nos facilitou o encontro.

Todo un éxito de xornada na nosa lingua, entre libros e brinquedos!

Festival das Letras 2025

 

Premer na imaxe para acceder á galería de fotos

Pechamos o noso Mes das Letras celebrando o Festival que xa nos é propio. Festival no que todas as aulas celebraron a lingua galega, a tradición oral, o noso rico patrimonio inmaterial e do que podedes ver e saber máis accedendo aos blogs de cada ciclo.

Un Festival no que soou e resoou a pandeireta, a gaita, as cantigas, o himno galego... en colaboración con familias e membros da comunidade, aos que agradecemos a súa participación; ao igual que ao Diario de Bergantiños por facerse eco da nosa celebración, como podedes ver e ler premendo na seguinte imaxe da portada do xornal.

Premer na imaxe para acceder á noticia

Hoxe, 17 de maio de 2025, a Real Academia Galega celebra o seu pleno extraordinario no mesmo Centro Cívico e Cultural de Malpica onde a nosa escola rendeu homenaxe a todas as cantareiras e pandeireteiras, a nosa rica tradición oral e cultural para seguir valorando e preservando o noso.

Imaxe de Ruth Caramés en www.nosdiario.gal

Feliz Día das Letras Galegas, hoxe e todos os días do ano!

Coa pandeireta na man

Peques e maiores divertímonos no Centro Cívico, grazas ao Concello de Malpica, coa música tradicional da man de María Faltri (voz e pandeireta) e Berto Rodríguez (guitarra): "Coa pandeireta na man".

Actuación activa que contou coa colaboración do alumnado, coas cunchas e o baile, para homenaxear as nosas cantareiras e pandeireteiras, a importancia da tradición oral.

Premer na imaxe para acceder á galería de fotos

Agradecid@s, un curso máis, ao Concello por achegarnos cultura dentro do seu programa "Malpica nun mar de Letras" e os agasallos, en forma de chapas, a tod@s.

AS NOSAS LETRAS!: poesía popular oral

 

Premer na imaxe para acceder á galería de fotos

Ao longo do curso, a exposición AS NOSAS LETRAS! seguiu adicada a escritoras/es galegas/os e homenaxeadas/os nas Letras Galegas: Concha Blanco, Rosalía de Castro e as cantareiras e pandeireteiras.

Exposición que foi mudando cada trimestre, renovando exemplares e facilitando novos códigos QR para acceder a recursos en liña.

Nas imaxes podemos ver a última exposición do curso, no noso Mes das Letras, e os carteis en homenaxe á poesía popular oral. Homenaxe que a Real Academia Galega celebrará no Centro Cívico e Cultural de Malpica de Bergantiños o vindeiro sábado 17 de maio, por ser o concello natal das Pandereteiras de Mens; tal e como se recolle na programación do Concello de Malpica que podedes ver na seguinte imaxe.

Agradecemos ao Concello de Malpica de Bergantiños a doazón que, como cada curso escolar, realiza polo Día das Letras Galegas. Na imaxe podedes ver os exemplares doados, que pasarán a formar parte do catálogo da nosa biblioteca:

A lingua galega soa e resoa na nosa escola, divulgando, dinamizando, valorando o noso rico patrimonio inmaterial: coidado, preservación e transmisión da lingua todos os días do ano.

Mes das Letras: recolleita de poesía popular oral

Presentamos o libro de produción propia "Poesía popular oral. Letras Galegas 2025", que grazas á colaboración das familias recolle variedade de coplas de transmisión oral.

Un produto final que pasaremos a maquetar e catalogar nas nosas producións propias.

Agradecid@s a todas as familias por legarnos o seu saber e poder atesourar a nosa tradición oral.

DichoLeo 2025

Presentamos, un curso máis, as pezas audiovisuais de cada grupo-aula no noso Mes das Letras.

Dinamizando a lingua e atendendo á alfabetización audiovisual, seguimos a dar tratamento ás interferencias lingüísticas e enriquecendo o vocabulario na lingua nai. 

Fala galego, DichoLeo!

Premiad@s: VII Concurso de Podcasts-Radio na biblio

 

Estamos en hora boa, o podcast de 5º de educación primaria resultou premiado no VII Concurso de Podcasts-Radio na biblio cunha produción propia, "A nosa herdanza", que recolle entrevistas a diversos membros da comunidade ou alleos á mesma e que gardan relación directa coa poesía popular oral, a que este ano se adica o Día das Letras Galegas 2025.

O podcast será difundido na páxina web da Radio Galega e na plataforma dixital A Galega Audio. A asignación do premio será destinada, tal e como recolle a convocatoria, a melloras no laboratorio de radio ou actividades relacionadas co seu funcionamento, sempre vinculado á biblioteca do centro.

Premendo no seguinte enlace accederedes á publicación realizada no blog do 3º ciclo de primaria, para informarse, para saber máis:

A NOSA HERDANZA DE 5º DE PRIMARIA

PARABÉNS A TOD@S! Produción propia que xa forma parte da grella de programas de Radio Balea, a Radio na biblio do CEIP Milladoiro de Malpica de Bergantiños.

Semana da Muller 2025

Premer na imaxe para acceder á galería de fotos

Na nosa Semana da Muller 2025 realizamos un mural de centro, Elas... c@ntan!, para homenaxear a todas as mulleres que abriron camiño a moitas outras na conservación da nosa tradición oral e cultural. 

Todas as aulas realizaron as biografías de diversas mulleres bergantiñás relacionadas coa poesía popular oral e a música tradicional, poderosas ferramentas na mellora do noso benestar persoal e social:

• Pandereteiras de Mens de 1º e 2ºA de primaria

• Herdeiras das Pandereteiras de Mens de Educación Infantil

• Teresa dos Cucos de 2ºB-3º de primaria

• Mª Xosé Silvar, máis coñecida como Sés, de 4º de primaria

• Icía Varela de 5º de primaria

• Lupe Blanco de 6º de primaria.

Un trimestre no que contamos con visitas moi especiais, na biblioteca ou nas aulas, para informarnos, realizar entrevistas, contar, cantar... e así desenvolver as diversas biografías.

Parabéns a tod@s polos valiosos produtos finais e feliz Día da Muller, hoxe e todo os días do ano!