Presentamos unha nova edición da nosa revista escolar. Revista na que se recolle o vivido ao longo dun curso escolar no que iniciamos novo Proxecto Documental Integrado: Marabillarte.
O vindeiro curso... nova publicación!
29.5.26
19.5.26
Teatro: A Gran Viaxe das Letras Galegas, até Begoña Caamaño
.jpg)
Premer na imaxe para acceder á galería de fotos
Celtia Figueiras, de A Xanela do Maxín, voltou a nosa biblioteca para representar A Gran Viaxe das Letras Galegas, até Begoña Caamaño.
Unha obra con participación da cativada que percorre diversas épocas e autorías galegas. Unha viaxe emocionante a través da lingua, da historia e da cultura galega.
15.5.26
Malpica nun mar de letras: Chaves invisibles
.jpg)
No día de hoxe, o alumnado de primaria asistiu, no Centro Cívico e Cultural de Malpica, a unha actividade ofertada polo Concello dentro da súa programación Malpica nun mar de letras.
O espectáculo Chaves invisibles é unha homenaxe a Begoña Caamaño, que da man de Vero Rilo e Luís Iglesias convida e entrar no universo literario, mediante a música en directo, da homenaxeada polo Día das Letras Galegas 2026.
Agradecid@s ao Concello por achegarnos, un curso máis, cultura na nosa lingua.
Festival das Letras 2026
Premer na imaxe para acceder á galería de fotos
Un curso máis e como xa é tradición, celebramos o Festival das Letras 2026. Actuacións de todos os grupos-aula en relación co PDI que nos ocupa, Marabillarte, ou con Begoña Caamaño a quen se lle adica o Día das Letras Galegas.
Feliz Día das Letras Galegas, todos os días do ano!
14.5.26
GaliLetras 2026
Presentamos, no Mes das Letras, o libro de produción propia no que a escritura creativa: narración, poesía, banda deseñada... reforza o uso da nosa lingua nai, de recursos como a mesa de luz e de espazos como a aula croma.
Parabéns por tanta imaxinación e creatividade, un libro para... MARABILLARTE!
5.5.26
DichoLeo 2026
No noso Mes das Letras, presentamos, un curso máis, as pezas audiovisuais creadas por cada grupo-aula para dar tratamento ás interferencias lingüísticas.
Alfabetización audiovisual e dinamización da lingua para seguir coidando e valorando a nosa lingua nai: o galego.
Fala galego todos os días do ano, DichoLeo!
30.4.26
AS NOSAS LETRAS: Begoña Caamaño
Última exposición do curso, AS NOSAS LETRAS!, adicada a Begoña Caamaño homenaxeada do Día das Letras Galegas 2026.
Begoña foi xornalista, escritora e activista, mobilizándose sempre en defensa dos dereitos e das causas xustas. Muller que é imprescindible coñecer, xunto coas súas obras: Circe ou o pracer do azul e Morgana en Esmelle. Conmemorando a escritura en galego, a lectura, en palabras de Begoña Caamaño:
"Leo porque quero cambiar o mundo,
leo porque necesito facer habitable o meu mundo.
Entón, por que escribo?
Porque sentín a necesidade de me ler a min mesma”
Achegamos enlaces a recursos en liña para afondar na súa vida e obra:
Ao tempo, compartimos os dez carteis que chegaron ao centro para conmemorar as Letras Galegas 2026, carteis e guía didáctica elaborada polo colexio Plurilingüe de Ribadavia que gañou o certame convocado pola Xunta coa proposta Begoña Caamaño, un camiño de sementes.
Leo anímate a... marabillarte con Begoña Caamaño!
23.4.26
Día do Libro 2026
Conmemoramos o Día Mundial do Libro e dos Dereitos de Autor 2026 coa exposición temporal que acolle o lema da Asesoría BEGA, Viaxe á creatividade.
Unha exposición a disposición da comunidade con diversidade de exemplares que animan a emprender unha viaxe en cada lectura: viaxes creativas, humorísticas, emotivas, lúdicas, informativas...
Achegamos enlace á Postal do Día do Libro 2026, agasallo de Eva Mejuto para as bibliotecas escolares de Galicia celebrando o libro e a lectura. Premer na imaxe para acceder á publicación da Asesoría BEGA.
Felices lecturas, hoxe e todos os días do ano!
Lecturas como as que realizaron os grupos-aula pola vila de Malpica, para exercer o dereito a ler en claquera sitio, divulgando a lectura e o libro. Premendo nos seguintes enlaces accederedes ás publicacións realizadas nos blogs de ciclo, lectura na rúa e merenda saudable:
9.3.26
Semana da prensa: O Papagaio
.jpg)
Do 9 ao 15 de marzo conmemoramos a Semana da Prensa 2026 co expositor permanente do xornal O Papagaio.
Animamos á comunidade a facer uso do xornal da xente miúda, un xornal en galego que, atendendo á actualidade, achega diversidade de contidos con alto valor educativo.
Premendo no seguinte enlace accederedes á páxina web do xornal e ao seu quiosco dixital facendo uso das credencias dadas ao comezo de curso:
Un xornal, en soporte papel ou dixital, para seguir informándose e gozando da lectura como fonte de placer e benestar.
6.3.26
Exposición 8M: Galegas nas artes
.jpg)
Premer na imaxe para acceder á galería de fotos
Presentamos a nova exposición temporal, Galegas nas artes, con diversidade de recursos bibliográficos para dar apoio á proposta de actividades relacionadas co PDI de centro, concretamente á Semana da Muller 2026.
Os grupos-aula contan con exemplares para informarse, para investigar arredor dunha muller galega destacada nalgunha das sete artes e redactar a súa biografía, proposta esta do equipo de 2º ciclo de educación primaria.
Muller, Galicia e Arte conforman o trío protagonista para conmemorar o 8M.
5.3.26
Día das Artes Galegas 2026: José Suárez
Premer na imaxe para acceder ao documento
Seguindo o PDI de centro, conmemoramos o Día das Artes Galegas 2026. Este ano adicado a José Suárez, fotógrafo e cineasta galego para coñecer e valorar.
Premendo na imaxe accederedes ao documento no que se inclúe biografía, fotobiografía e actividades para iniciar a actividade proposta polo 3º ciclo de primaria: crear con diversas técnicas plásticas unha das súas fotografías, tal como fixeron @s cativiñ@s de 4º de infantil.
Leo anímate a... crear con José Suárez!
23.2.26
AS NOSAS LETRAS: Rosalía de Castro
Premer na imaxe para acceder á galería de fotos
Conmemoramos o Día de Rosalía de Castro coa exposición AS NOSAS LETRAS, exposición trimestral que acolle exemplares de diversas autorías galegas.
Exposición da que o alumnado de 4º de infantil fixo bo uso, celebrando o Día de Rosalía e desenvolvendo a biografía da autora en relación coa Semana da Muller 2026, adicada a mulleres galegas relevantes en diversas artes, e o PDI que nos ocupa.
.jpg)
Premer na imaxe para acceder a máis información
Ao tempo, o alumnado de 3º de primaria realizou a proposta do equipo de BE-DL espallando a escrita de Rosalía de Castro.
Feliz Día de Rosalía, hoxe e todos os días do ano!
15.12.25
Guía de Nadal 2025
Guía de Nadal 2025_BE Milladoiro de Fátima Romero Olveira
Un ano máis chega a guía de Nadal. Unha guía que recolle lecturas diversas para lectores/as divers@s.
Un Nadal cheo de palabras. Lecturas que acollen palabras emocionantes, divertidas, curiosas, rebuldeiras para compartir, informarse, rir...
A seguinte imaxe reflicte a exposición de Nadal, a cal acolle máis lecturas para agasallar.
Regalos para este Nadal ou calquera día do ano.
12.11.25
Mes da Ciencia en Galego nas Bibliotecas 2025
Premer na imaxe para acceder ao recurso creativo
Presentamos o recurso creativo deseñado polo equipo de BE-DL para conmemorar o Mes da Ciencia en Galego nas Bibliotecas.
Un recurso a disposición de toda a comunidade na nosa aula taller e que ten como obxectivo a búsqueda de información para programar o robot educativo elexido e chegar a casa correspondente do taboleiro robótico.
Un recurso para todo o curso escolar, conmemorando o Mes da Ciencia, o Día da Muller, dando tratamento á igualdade de xénero, a dinamización da nosa lingua e ao acceso á información, entre outros contidos.
Ao tempo, achegamos enlace a outros recursos dispoñibles no blog da Asesoría BEGA en relación coa conmemoración:
Por unha ciencia en galego e en igualdade... todos os días do ano!
10.11.25
Entrega I Premio "Na lingua que eu falo" da RAG
O vindeiro luns 17 de novembro ás 11:00 horas terá lugar no Centro Cívico a entrega do I Premio "Na lingua que eu falo" da Real Academia Galega. Premio a toda unha comunidade implicada e concienciada na dinamización e normalización da nosa lingua nai.
A imaxe reflicte o convite que desde a Dirección do centro se remitiu a diversos membros, propios ou alleos á comunidade, e a cal queremos dar difusión desde o blog da nosa biblioteca.
As portas do Centro Cívico abriranse o luns 17 a todas/os as/os que queiran compartir coa nosa comunidade a entrega de dito galardón da man dos académicos da RAG.
Achegamos a nota de prensa publicada na páxina web da RAG:
Premendo no seguinte enlace accederedes as imaxes da entrega do premio:
22.10.25
Novo recuncho: Apalabrando a Lingua
Premer na imaxe para acceder á galería de fotos
Novo curso e novo recuncho na biblioteca, Apalabrando a Lingua. Espazo creado para a normalización e dinamización da Lingua Galega mediante un mural parlante para o cal facilitamos plantillas editables aos grupos-aula, co obxectivo de que adapten ás necesidades do alumnado o vocabulario a tratar na nosa lingua nai.
Ao tempo, organizamos, dotamos e creamos novos recursos para a biblioteca: pantalla dixital interactiva, teatriño, cartelería ou os sinalizadores en madeira para as exposicións, realizados coa cortadora láser do centro.
Un compromiso claro pola mellora da biblioteca e a dinamización da lingua, todos os días do ano.
15.10.25
AS NOSAS LETRAS: Fina Casalderrey
Premer na imaxe para acceder á galería de fotos
Iniciamos curso coa exposición trimestral adicada a autorías galegas, AS NOSAS LETRAS!
No 1º trimestre celebramos a escrita de Fina Casalderrey, mestra, escritora e membro da Real Academia Galega. Autora que é imprescindible coñecer e... ler!
Ao tempo, a exposición é un excelente recurso para apoiar o itinerario lector de 6º de primaria, que acolle no Plan lector 2025-26 o exemplar de Fina, Dúas bágoas por Máquina. Exemplar ao que tamén darán tratamento no programa solicitado no presente curso: Clubs de lectura.
Leo anímate a... marabillarte con Fina Casalderrey!
26.9.25
Premiad@s RAG: "Na lingua que eu falo"
Premer na imaxe para acceder ao documento
Hoxe, Día Europeo das Linguas, celebramos o I Premio "Na lingua que eu falo" da Real Academia Galega (RAG) que foi concedido a nosa comunidade educativa.
Un premio que visibiliza o traballo silandeiro e continuo a prol da normalización e dinamización da nosa lingua, o bo facer de toda unha comunidade implicada na protección e conservación da lingua que nos é propia.
Premendo na seguinte imaxe poderedes acceder ao dossier de prensa, achegado pola RAG, no que se recolle a boa nova publicada en diversos medios:
Seguimos dinamizando a lingua, concienciando da necesidade de conservar o noso rico patrimonio, orgullo@s do noso, hoxe e sempre; tal e como se pode ver na seguinte produción audiovisual:
Agradecid@s á Real Academia Galega polo galardón concedido e...
PARABÉNS A TODA A COMUNIDADE!
20.6.25
Revista 2025
Unha nova edición da nosa revista escolar DígochoEu!
Un curso no que pechamos PDI de centro e festexamos as Letras Galegas de maior identidade: a poesía popular oral, entre as homenaxeadas as Pandereteiras de Mens.
Tod@s contamos e temos moito que contar, tal e como se reflicte en cada páxina da revista.
O vindeiro curso... nova publicación!
1.6.25
Guía de verán 2025
Guía de verán 2025 de bemilladoiro
Presentamos a guía de verán 2025, festexando a chegada dunha nova estación entre libros e outros materiais educativos para o tempo de lecer.
Un tríptico en formato papel que será entregado a toda a comunidade o último día lectivo, xunto cun exemplar da nosa revista escolar que tamén ofrecemos en formato dixital para poder acceder a máis información premendo en cada enlace.
Libros para todos os gustos, para divertirse, emocionarse, informarse e xogos para compartir en familia ou con amig@s.
Este verán, Leo le... a gusto!
Suscribirse a:
Entradas (Atom)