Mes das Letras: "A viaxe feliz de Ramón Sanfiz"

A Concellaría de Cultura convidou aos centros educativos do noso concello a unha obra de teatro no Auditorio do Centro Cívico, dentro do seu programa "Malpica nun mar de Letras".

"A viaxe feliz de Ramón Sanfiz" de Fantoches Bj foi a peza que nos levou de viaxe por Galicia. Un teatro itinerante: triciclo, títeres, instrumentos musicais, kamishibai... para homenaxear e achegar a nenas e nenos a obra de Francisco Fernández del Riego.

Agradecemos ao Concello o convite cultural que tan ben acae no noso Mes das Letras.

AS NOSAS LETRAS! Francisco Fernández del Riego

Premer na imaxe para acceder ao álbum

Ao longo do 3º trimestre a exposición AS NOSAS LETRAS! está adicada ao persoeiro homenaxeado este ano, pola Real Academia Galega, co Día das Letras: Francisco Fernández del Riego

A exposición está composta polos diversos exemplares de nova adquisición e por recursos materiais alleos e propios, entre eles o noso caderno de produción propia Leo anímate a... investigar!, para traballar nas aulas a súa biografía e obras. Recursos alleos que se aloxan nas seguintes páxinas:

• Primavera das Letras

• Portal das Palabras

• Seminario Galán

Asemade expuxemos os carteis que recibimos da Real Academia Galega, como se pode ver na seguinte imaxe.

Pechamos así, un curso máis, a exposición adicada a escritoras e escritores galeg@s que se fai imprescincible coñecer e valorar:

AS NOSAS LETRAS!

O vindeiro curso, máis: seguiremos facendo medrar as nosas Letras.