20.12.12

Recitando a Celso Emilio



Velaí, por fin, as imaxes da homenaxe que rendimos o pasado día 12 ao poeta Celso Emilio Ferreiro do que este ano celebrouse o centenario do seu nacemento. Foi unha iniciativa da Coordinadora Galega de Equipos de Dinamización Linguística que secundamos gostosamente. Xunto con nós fixérono tamén máis de 200 centros en toda Galicia con maís de 30.000 rapoaces e rapazas implicados que, o memso día á mesma hora berraron alto e claro:



eu fáloa porque sí, porque me gosta,
porque me peta e quero e dame a gaña;
porque me sai de dentro, alá do fondo...

O poema acordado (Deitado frente ao mar)recitárono oito nenos e nenas de 4º a 6º. Os demáis cursos tiñan o seu propio poema que tamén nos "contaron" no acto. Ao final, repartimos uns pasquíns coa letra e volvimos dicilo todos xuntos. Uns días antes fixeramos este cadernocos poemas seleccionados. Estes poemas quedarán nas súas memorias. Seguro!

10.12.12

Eu falo galego porque...

Mirade que atopei: Sin- Chan homenaxeando a Celso Emilio!!!

9.12.12

Guia de Nadal



Vealí as nosas recomendacións para escribirlle a carta aos Reis este Nadal.

30.11.12

Apàlpador IV. Cancións

Do CEIP Figueroa: Do CEIP San Xoan de Filgueira:

APALPADOR III

Este é o LIM que prepararon no CEIP Outeiro das Penas en Cesantes (Redondela) PREME sobre a imaxe e, despois de ler o conto que xa publicamos, comeza a xogar. SORTEEEEEEEE!!!!

Apalpador II. Manualidades

Hoxe toca manualidades. Vouvos deixar os enlaces para descargar un monicreque, un recortable e unhas tarxetiñas. Estas últimas son do blog dalleuncoliño e os primeiros, da Fundación Artabria.
Velaí:
  1. monicreque 
  2. recortable 
  3. tarxetas 
Esperamos que vos divirtades facéndoas.

28.11.12

Apalpador I

Está a chegar o Nadal e nós queremos seguir achegándovos a figura do Apalpador. Hoxe deixovos o conto e en días sucesivos ireivos deixando cancións, manualidades, xogos... Ide escoitando

26.11.12

Homenaxe a Celso Emilio

Deitado frente ao mar A Coordinadora Galega de Equipos de Normalización e Dinamización Lingüística lanzou hai un tempiño unha proposta aos centros para rematar o "ano Celso Emilio Ferreiro", no que se cumpren os cen anos do nacemento do poeta de Celanova. Segundo esta iniciativa, o día 12 do 12 ás 12, os centros que se sumen a ela lembrarán o poeta recitando un dos seus textos máis coñecidos, tamén máis actual na súa mensaxe: Deitado frente ao mar. Desde o IES As Barxas (Moaña, Pontevedra) colaboran ademais cun vídeo para a promoción desta iniciativa, que dá conta do nivel que acadan as producións audiovisuais que se están a facer nos centros.

22.11.12

Sentencia tardía



O TSXG bota embaixo a consulta do PP ás familias sobre o uso do galego no ensino, así o di na sentencia que hoxe se fixo pública sobre o Decreto de Plirilinguismo, que chamou o goberno ou de liquidación da lingua, que foi o que todos entendimos.

A sentencia anula directamente dous artigos: o 5.2 e 12.3.

A MNL, Queremos Galego e CIG ensino están a estudar a fondo o texto para trazar as vindeiras liñas de actuación.

Veremos pois nestes anos perdemos tantos falantes, andivemos tanto atrás que... agora mesmo dubido do posible efecto beneficioso da sentencia.

Veremos. 

Lingua e xuízo

 Imaxe: http://www.efeverde.com
Presidencia inviste 400 mil euros en acondicionar a sala do xuízo do Prestige e ESQUECE o pequeno asunto do idioma: onte o avogado de NUNCA MÁIS non puido falar en galego porque... non estaba previsto! Outro insulto máis: tratados coma extranxeiros na nosa casa.
Non encontrei na rede moit máis información sobre o tema... Será que os xornalistas non o consideran noticia.
Ai! E se foramos Catalunya?

16.5.12

Eu sentíame salvada...

Iso di unha das voces deste documental: unha muller que chegou da aldea á cidade falando castelán. A memoria da lingua, que xa ten dous anos pero segue dunha extraordinaria actualidade. Dous anos máis perdidos no traballo da Normalización. Falar galego é que eres unha pailaroca ou unha nacionalista. di unha das voces que participan. E ten razón. Tócanos traballar para que isto deixe de ser así. Interesantisimas as reflexións sobre lingua e xénero: unha discriminación máis. Gustaríame que de hoxe nun ano non tiveramos que publicar de novo este documento. Veremos

30.4.12

Web quest: Valentín Paz Andrade

Desde o CEIP Nosa Señora dos Xuvencos achégannos esta webquest para coñecer millor a figura de Valentín Paz Andrade.
Accede premendo sobre a imaxe, ou ben sobre o enlace do nome do colexio.

Caza do tesouro: Valentín Paz Andrade

Desde o CEIP Nosa Señora dos Xuvencos, achégannos esta caza do tesouro. Preme sobre a imaxe para acceder a ela.

11.4.12

Valentin Paz Andrade


Coma cada ano, o Seminario Galán preparou para nós actividades sobre a figura do autor homenaxeado, este ano: Valentín Paz Andrade.
Podes acceder a elas premendo sobre a imaxe ou ben sobre o propio enlace.

30.3.12

Para xogar e aprender

LIM desde Valdeorras, para aprender cousiñas sobre este personaxe tan singular.

Paz Andrade no Telexornal


As mozas e os mozos do CPI dos Dices (Rois, A Coruña) están a traballar xa coa figura de Valentín Paz Andrade, preparando motores para a celebración do Día das Letras Galegas, e ofrecéndonos un documento excelente para achegarnos desde as aulas a este personaxe da cutlura galega. Parabéns a este grupo de "reporteiros" e ao profesorado que os estimula e guía, polo seu traballo.

4.1.12

Felicidades fantásticas


A comunidade escolar do Milladoiro felicitavos as festas con esta presentación do que máis nos gusta este ano: os contos clásicos.
Feliz e fantástico ano para todos e todas!