Digochoeu!!!

Felicidades fantásticas

2012-01-04T04:55:00.001-08:00

Felicitación nadal

View more presentations from biblioteca escolar milladoiro malpica.

A comunidade escolar do Milladoiro felicitavos as festas con esta presentación do que máis nos gusta este ano: os contos clásicos.
Feliz e fantástico ano para todos e todas!

Feliz 2012

2011-12-31T10:55:00.000-08:00

Feliz 2012 para tódolos nosos amigos e amigs. E para nós mesmos.

Dereitos dos nenos e nenas no Sahara

2011-12-10T03:57:00.000-08:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

LIngua extranxeira

2011-12-01T00:12:00.000-08:00

O ex conselleiro Fernando Blanco foi chamado a declarar nos xulgados de Lugo. Fixo a súa declaración en galego.
Ata a í todo normal.
O que non o foi foi o que sucedeu despois: a xuíz considerou preciso traducir a declaración. Houbo que chamar a un traductor xurado e o proceso durou CINCO HORAS!!!!
Velaí como a nosa lingua é tratado, unha vez máis, coma unha lingua extranxeira nohttp://www.blogger.com/img/blank.gif seu territorio.
Para pensar... e actuar.
Deixovos a ligazón ó xornal

A lingua sabe a pan

2011-11-22T02:45:00.001-08:00

Lipdub do CPI Virxe da Saleta sobre unha versión de Sweet Home Alabama de Lynyrd Skynyrd, popularizada por Siniestro Total como Miña Terra Galega. Sobre unha idea de Álvaro Cunqueiro, naceu a letra de A Lingua Sabe a Pan.
Contou coa participación de todo o alumnado do CPI e dos músicos Pedro Feijoo e Charly Lincoln que gravaron, misturaron e produciron nos estudios Muu! de Vigo.

Lois en video. Biografía

2011-05-10T09:11:00.000-07:00

LoisPereiro1_Intro

View more presentations or Upload your own.

Outro video narrando a vida do poeta.
Esta vez desde o IES Concepción Arenal de Ferrol.
O certo é que a figura deste poeta inconformista e marxinal está dando moito xogo.
Eu, teño que recoñecer que, si ben me alegrei enormemmente cando lle adxudicaron a celebración, tamén pensei que desde a escola Primaria sería de difícil encaixe polas características dos seus poemas.
E equivoqueime. É posible tratar estes poemas duros, amargos, desalentados, emotivos, dolorosos nas aulas... É posible porque Lois é unha figura moi, moi actual. Os rapaces sínteno próximo, cercano, real.
A grande aportación deste ano é precisamente esa: quitarlle ó Día das Letras ese tufillo de naftalina, de pasado, de mausoleo respectable.
Lois é... ¡outra cousa!
Lois é o presente.
Despois de ver esa introducción, das mesmas autores podedes seguir por:
Monforte
Madrid
Coruña 1
Coruña 2
Despois, segue achegándote a Lois cos materiais da páxina que nós mesmos preparamos.

Audiobiografía de Lois

2011-05-08T09:48:00.000-07:00

Para ir coñecendo a este poeta raro, punk, que nunca soñou con seren celebrado nun Día das Letras, aí queda a audiobiografía elaborada por Mar Sueiro.
O debuxo é da Casa do Aquel
Este e os outros materiais que seleccionamos para traballar ó poeta están nesta páxina

Lingua minoritaria?

2011-04-29T03:48:00.001-07:00

Gustoume esta montaxe sobre o idioma.
Porque, ás veces, damos por bos argumentos que non osn certos.
Canto me gustan as Matemáticas!
Entre outras cousas porque confiamos nos números. E, os números... non son nada inocentes.

O dito: aí queda por se a alguén lle cómpren argumentos.

Eu falo galego

2011-04-28T00:30:00.000-07:00

Velaí o traballo co que o IES Fontealbei gañou o concurso de video Correlingua 2011.
Parabéns a eses rapaces e rapazas que son conscientes da súa cultura, do seu patrimonio e da súa identidades.
A que xa extás a pensar por que o falas ti?

Páxina de recursos sobre Lois Pereiro

2011-04-14T02:59:00.000-07:00

Xa podedes usar a páxina que fixemos no Equipo de Biblioteca con recursos en liña para traballar a figura de Lois Pereiro.
Xa sabes algo del?
Queres saber algo máis?
Pois...adiante!

Quen o vai correxir?

2011-03-31T02:58:00.000-07:00

Unha vez máis. Pero... ¿non se fartan nunca de faltarnos ó respeto?
O comentario ven a conto dunha declaracións feitas polo ex-presidente do goberno de España José Mª Aznar a Veo 7, unha cadea de tv privada.
Enlazamos as declaracións para que non pareza que inventamos as súas palabras ou as interpretamos.
Habería que comezar a facer uso da boa educación e deixar de lado as procedencias de nacemento porque, con esa vara de medir aquí poderiamos concluir que tódolos vallisoletanos son coma o Sr. Aznar.
E sabemos que iso non é así.
Así que, unha vez máis agardamos desculpas e explicacións. E seguimos agardando o uso de motivos, argumentos, razonamentos... e todo canto contribúa a defender as propias ideas de forma intelixente. Sen recurrir seguido á descalificación e ó insulto.

A foto procede de AQUÍ

Lois Pereiro IV

2011-03-27T05:34:00.000-07:00

Cinco poemas do autor lidos por cinco seus amigos.

Lois Pereiro II

2011-03-23T02:32:00.000-07:00

De novo da man dos compañeiros de Rois e da Baña, un achegamento a Pereiro.
Desta volta, diferentes figuras da cultura galega dannos a súa visión sobre o poeta: incisivo, agudo, demorado, terapéutico, sensible, estudoso, culto, falador, sarcático, irónico, observador, tímido, magnético, observador...
Estes son algúns dos calificativos que lle adican á súa persoa.

Lois Pereiro III

2011-03-21T06:59:00.001-07:00

Onde seu irmán explica a importancia de escribir en galego e como, en Lois, esta foi unha opción consciente e natural.

Lois Pereiro I

2011-03-21T06:53:00.000-07:00

Comezamos hoxe a publicación dunha serie de videos sobre Lois Pereiro, poeta ó que se lle adica este ano o Día dqs Letras.
Tentaremos, pois, irnos achegando á súa figura e á súa obra.
Nesta ocasión, ofrecemos unha achega feita polos compañeiros/as do CPI de Dices-Rois.

Lingua Galega Televisión

2011-03-16T10:46:00.000-07:00

Nace Lingua Galega Televisión, un espazo creado por Acuarela Comunicación e apoiado por varias institucións, entre elas a Xunta de Galicia. O espazo ten como obxectivo producir contidos televisivos que promovan o uso e coñecemento da Lingua, en palabras dos propios autores. Prometen estrear programas tódolos venres, de feito para este vindeiro anuncian un sobre Bocaberta, esa actividade na que xa tivemolo gusto de participar.
Sáudamos con ledicia a chegada á rede.
Nós coñecemola da man de Isa, e agora xa non lle perderemos a pista.

Entroido

2011-02-22T02:47:00.000-08:00

Xa está a chegar. E nós, aprepararnos para festexar.
A CGENDL ven de facer unha completísima páxina de recursos para este traballo. Se premes sobre a imaxe, poderás acceder a ela.
O Entroido en Malpica ten as súas propias manifestacións das que fixemos unha publicación na Galipedia hai dous cursos cos nenos e nenas que estaban en 6º.
Con esto temos abondo para comezar o traballo.

O senado fala galego

2011-01-20T08:43:00.000-08:00

A partires do pasado martes xa é realidade o compromiso constitucional de visibilizar TÓDALAS LINGUAS COOFICIAIS no Estado Español.
Así é: a cámara alta da democracia española, posúe xa os mecanismos precisos para que tódolos senadores se expresen na lingua que lles é propia, é dicir, a dos territorios ós que representan.

É unha magnífica noticia que complace a todos e todas e normaliza o que nas rúas xa é normal.
Non esquecemos algunhas voces que se alzáron en contra desta medida pero non son preocupantes xa que corresponden coas habituais posturas intransixentes de algúns senadores. Quenes así se expresaron alegaron que se trata dunha medida cara para as arcas do estado. Bueno... se hay que aforrar... non se entenden despilfarros coma este. Por poñer un exemplo.
O debuxio atopámolo AQUÍ

Feliz 2011

2010-12-20T05:57:00.000-08:00

Nadal nuria e antía

View more presentations from biblioteca escolar milladoiro malpica.

Esta felicitación, feita por Nuria e Antía de 6ºB, é o noso agasallo para estas festas.
Con ela desexamos o millor a tódolos nosos lectores e lectoras para o vindeiro 2011.

Feliz 2011

Guia Nadal 2010

2010-12-17T03:35:00.000-08:00

Open publication - Free publishing - More malpica

Hoxe chegará a tódalas familias esta nosa guía deste ano.
Veredes que non é exactamente unha guía de lecturas, tal e como é o noso hábito.
Nesta ocasión decidimos ofrecervos un surtido de xogos, karaokes, música... para disfrutar en familia, para pasalo ben.
Tódolos materiais que propoñemos están en galego, fundamentalmente para compensar os catálogos de agasallos das grandes superficies que non ofertan ningún producto con esta característica.
Humildemente facemos a nosa aportación. Porque , habelos...hainos!

E aí están.

Que teñades unhas festas tranquilas e cheas de risas e bos momentos en familia.

Contoplanet

2010-12-11T10:28:00.000-08:00

O día 5 deste mes comezou a estar dispoñible na AppStore a aplicación Contoplanet que supón a posibilidade de descargar cinco contos en galego do catálogo da Editorial Galaxia para iPad e iPhone.

O arranque ten sido realmente espectacular, pois durante a ponte da Constitución, a aplicación xa fora descargada en máis de trinta e cinco países, sendo o estado español e os Estados Unidos, onde máis se producira a descarga do conto de Fina Casalderrey, ‘Puag, que noxo!’ polo de agora único conto dispoñible aínda que, cada dúas semanas, irá subíndose outro ata completar os cinco primeiros desta foranda.

Os datos referidos á ponte da Constitución, amosaron que a aplicación foi descargada nas primeiras horas máis de 500 veces colocándose na AppStore española no ‘top 2o’ na categoría de libros, ademáis de ter sido mencionados como “contido novo digno de destacar” polos xestores da store. Sen dúbida, un arranque espectacular para un produto editorial que leva o galego ao século XXI.

Máis

Recursos CGEDNL

2010-12-10T02:53:00.000-08:00

Premendo sobre a imaxe accederás á páxina de recursos para o Nadal elaborada pola Coordinadora Galega de Equipos de Dinamización e Normalización Linguística

Nela topredes de todo: cancións, refráns, lecturas, teatro....
Pois alá... ¡a disfrutar!

Novo ataque á Lingua

2010-05-11T09:39:00.000-07:00

A Consellería de Educación ataca aos galegos reducindo os libros en galego nas bibliotecas escolares (Vía Xornal de Galicia)
Carme Adán advirte de que coa nova Orde de Bibliotecas Escolares pásase de que, como mínimo, o 50% das adquisicións sexan de libros en galego a establecer que se debe guiar pola multiculturalidade do centro.

A portavoz de Educación do BNG no Parlamento Galego, Carme Adán, criticou hoxe que a Consellaría de Educación agasalle a Galiza na semana das Letras Galegas cunha nova medida no Plano de Bibliotecas Escolares que reduce a presenza do libro en galego.
Durante a comparecencia esta mañá do conselleiro de Educación e Ordenación Universitaria no Pleno da Cámara galega a deputada do BNG reprochoulle que o agasallo do Goberno do PP na Semana das Letras Galegas sexa a decisión na nova Orde de Bibliotecas Escolares de pasar de que, como mínimo, o 50% das adquisicións sexan de libros en galego, a establecer que se debe guiar por un vago criterio de multiculturalismo do centro.
Carme Adán criticou que a fobia do Goberno do PP contra o galego chegase até este estremo, máxime cando os últimos datos revelan que só 4,3 dos libros que se mercan en Galiza son en galego, mentres que o 91% das compras de libros son en castelán. Non hai ningún compromiso concreto da Consellaría coas Bibliotecas escolares. Por outra parte, a deputada nacionalista criticou que o Plan presentado hoxe polo Conselleiro de Educación é apenas un conxunto de xeneralidades, que non contemplan ningunha medida concreta de apoio ás Bibliotecas Escolares de Galiza, nin dende o punto de vista lexislativo nin de apoio dotacional.
Carme Adán lembrou que se as bibliotecas escolares de Galiza son modélicas no Estado, é polo esforzo e voluntarismo do profesorado, que lle dedican horas fóra do seu horario laboral. Neste sentido, a deputada do BNG criticou que o Plan de Bibliotecas Escolares 2010-2015 a parte de non concretar orzamentos, non regula as bibliotecas e escolares e o persoal que as atende dende o punto de vista normativo, nin tampouco se apoia a dotación destes centros para adquirir fondos e mellorar as instalacións.

Por último, a parlamentaria nacionalista asegurou que o conselleiro de Educación veu hoxe facerse unha foto ao Parlamento cun plan propagandístico, que choca coa realidade da redución dos fondos para as bibliotecas a Consellaría de Cultura destinou un 60% menos para o equipamento das bibliotecas municipais, con que non se fixo ningunha medida no Ano da Lectura ou coa privatización do ensino público.
Resumo da intervención do Conselleiro

Novoneyra e a literatura infantil

2010-05-06T00:19:00.000-07:00

Open publication - Free publishing - More letras galegas

Nesta ocasi´´on non sabemos a quen darlle as grazas por este caderno no que se resume o contido dos tres libros que Novoneyra escribiu para nenos e nenas.
Parecenos un documento interesante que deixamos a vosa disposicion.

Orgullosos do Galego

2010-05-03T05:55:00.001-07:00

Sigue adiante a campaña da Coordinadora Galega de ENDL. Unha campaña que nos gusta especialmente porque ´´e moi positiva.
Na mesma p´´axina tendes moitos outros mateirais (cartaces, autocolantes...)

Uxío

2010-04-17T10:54:00.000-07:00

Elaboramos xa unha páxina con diferentes materiais para traballar a figura de Novoneyra desde a aula que está enlazada no blog da biblio .
Preme sobre ela para acceder a eles. E, mentras tanto, deleitate con estes poemas.
Beleza.

Estes homes

2010-03-15T08:09:00.000-07:00

Estes son os dous homes que o pasado sábado deron a coñecer a súa proposta definitiva para idioma no sistema educativo obrigatorio.

Eiquí tedes a proposta que fixeron oficialmente no nome do Goberno de Galicia

Orgullosa e claramente

2010-03-06T09:53:00.000-08:00

(Vía Bretémas)
Velaí unha estrela da comunicación en España, que traballa en Cataluña e É GALEGA: Julia Otero orgullosa da súa procedencia, sen ocultala nen disfrazala, sen ir ó logopeda... DEFENDENDO a condición de galego.
Oíde con atención porque eu non deaba créto. Non estou afeita a estas defensas, máis ben ó contrario.
Deixovos uns enlaciños para completar:
O programa aludido, no xornal
As declaracións que diron lugar á regueifa
Resumen de reaccións

Orgullos@s do noso

2010-02-22T03:21:00.000-08:00

A Coordinadora Galega de Equipos de Normalización e Dinamización Linguística, ven de pór en marcha esta iniciativa: un espazo web no que amosar o orgullo que sentimos do NOSO, da NOSA LINGUA, da NOSA CULTURA.
Preteden facer del un ditio no que se eshiban todo tipo de materiais para seren espallados, copiados, distribuidos...todos coa finalidade de amosar o ORGULLO que sentimos de seren galegos e galegas e teren unha lingua propia.
Con frecuencia, con demasiada frecuencia, escoitamos iso de "o problema do Galego" nunha expresión que retrata a quen a usa: efectivamente hai persoas (tamén galegos e galegas) para quenes a Lingua propia é un PROBLEMA, que se sentirían moito millor se ESO non existise.
Ben. Así será para algúns.
Nós, en cambio, pensamos que a Lingua é

unha riqueza,

un tesouro e

un sinal de identidade.

Que a Lingua enriquece a quen a ten. Que non é un asunto individual. E que un pobo que ten unha Lingua ten, tamén, a obriga de coidala, transmitila e facela medrar.

Carta a Anxo Lourenzo

2010-02-07T04:49:00.000-08:00

Este blog súmase á cadea de difusión da carta que lle envían ao Secretario Xeral de Política Lingüística, Anxo Lorenzo, os ENDL galardoados nos Premios á Innovación en Normalización Lingüística por considerar que coas súas palabras son voceiro fiel do sentir das personas integrantes dos ENDL de toda Galicia.

Señor secretario xeral de Política Lingüística:
Reclamamos a súa atención para unhas breves consideracións que queremos transmitir ao goberno galego e que recollen o noso sentir unánime. O sentido da responsabilidade e o respecto que nos merece a súa persoal traxectoria docente e investigadora serán o contrapeso que nos permita conseguir continencia verbal á hora de lle expresar o noso malestar.
Aínda que para vostede non sexa agradábel escoitar as nosas queixas –e tampouco para nós formulalas-, temos a obriga moral de transmitirllas aquí e agora. Coa máxima cordialidade e co máximo respecto, nesta que debería ser xornada de xúbilo, temos que alzar a nosa voz para clamar contra a involución manifesta (redución do número de premios; dotación económica testemuñal; cambios regresivos na convocatoria de axudas para os equipos de normalización; actitude de desprezo polo patrimonio literario por parte do conselleiro do ramo; e, como colofón, as chamadas Bases do Decreto do Plurilingüismo).
A que era tenue e incipiente normalización nos centros foi posíbel grazas á implicación de profesoras e profesores comprometidos, ás veces para o alumnado os únicos referentes de uso do galego en todos os ámbitos. Con que fin pretenden que este profesorado teña que renunciar á docencia vertebradora? Cal é o fin de que se pretenda responsabilizar do ensino en galego a determinadas persoas sen competencia nin motivación para esta encomenda? A mellor garantía da presenza normalizada do galego no ensino é o profesorado que leva varios anos desenvolvendo en galego a docencia e a vida. Mais este histórico contributo de recuperación da identidade colectiva será cercenado polo marco legal proposto, que acentúa os comportamentos diglósicos e nega a posibilidade de ofrecer ao alumnado modelos de usos lingüísticos normalizados.
Por todo o exposto, os representantes aquí presentes dos Equipos de Normalización Lingüística que están a desenvolver en colexios e institutos proxectos cuxa calidade ten sido recoñecida nos premios de innovación convocados pola Secretaría que vostede dirixe solicitámoslle a retirada destas bases e o mantemento do Decreto en vigor, o que desenvolve as medidas consensuadas no Plan de Normalización da Lingua Galega e o máis axeitado para poder cumprir a tarefa que a propia administración educativa nos encomendou: promover o galego para normalizar o seu uso entre a comunidade educativa, asentando así as bases dun ensino plurilingüe.
Asdo.:
Premios á Innovación en Normalización Lingüística 2009-2010
Equipos de Normalización e Dinamización Lingüística do CEIP Aguiño (Ribeira), CEIP A Gándara (Carballo), CEIP A Pedra (Bueu), CEIP Bergantiños (Carballo), CEIP Quintela (Moaña) IES Menéndez Pidal (A Coruña), IES Sardiñeira (A Coruña), IES Félix Muriel (Rianxo), IES Perdouro (Burela), IES Rodeira (Cangas) e IES de Porto do Son (Porto do Son).

Vía A Profa

55 mentiras sobre a Lingua Galega

2010-02-07T03:43:00.001-08:00

O venres 5 de Febreiro, a Plataforma PROLINGUA presentou a súa primeira publicación: 55mentiras sobre a Lingu aGalega.
A presentación levouse a cabo simuntáneamente en 70 vilas e dicades galegas e do resto do mundo (Ponferrada, Madrid, Barcelona, Vitoria/Gasteiz e Trintxerpe- e no estranxeiro – Tübingen, Buenos Aires, Lisboa, Tel Aviv, Nova York, Bethelem, Nablús, París, Saraievo, Londres, Bruxelas, Copenhague...)
En Carballo foi no Pazo da Cultura ás 20:00 e correu a cargo de Xan Fraga e Xan Fdez. Carrera.
A piblicación pretende ser un argumentario sólido, rigoroso e sinxelo para o conxunto da sociedade galega, para poder respostar a e comprender qeu determinadas valoracións sobre a Lingua, o seu uso, a súa valoración social...que damos por boas cando en realidade non o son.
A publicación era necesaria. E xa a temos.
Agora, haberá que difundila.
Deixovos un aperitivo:

Prolingua 20 Mentiras sobre a lingua galega (2010)

View more presentations from A profa .

Almanaque Novoneyra

2010-02-04T00:35:00.000-08:00

Os compañeiros do Equipo de Biblioteca do Ceip. Luis Días Moreno de Baralla (Lugo) prepararom este almanaque adicado ó poeta Uxío Novoneyra, a quen este ano celebramos especialmente ó adicarlle o Día das Letras.

Uxío Novoneyra e a PAZ

2010-02-02T05:55:00.000-08:00

Vía a Biblioteca do IES San Paio, achegámosvos este poema dito, recitado, cantado... polo poeta Uxío Novoneyra a quen, como sabedes, se lle adica este ano a festa das nosas Letras.

Argumentos ben documentados

2010-01-26T03:04:00.000-08:00

Ás veces parece que falamos no ar. Que o que dicimos e usamos como argumento...nunca sucedeu.
Aquí tendes unha recompilación ben documentada:

CENDL

2010-01-20T07:13:00.000-08:00

Máis información no blog da CENDL de Galicia. Preme na imaxe.

Toda Galicia contra a proposta de decreto sobre a Lingua

2010-01-17T11:49:00.001-08:00

Diferentes oranizacións sociais e políticas téñense manifestado estes día publicamente sobre a porposta da Consellería de Educación rspecto da lIngua na escola.
Deixámosvos os enlaces a algunhas delas. Para que non falte información:
1.-CIG: Confederación Intersindical Galega
2.-FETE-UGT: Federación de Trabajadores de la Enseñanza
3.-STEG: Sindicato de Traballadoes do Ensino de Galicia
4.-ANPE: Asociación Nacional de Profesionales de la Enseñanza
5.-A Mesa pola Normalización Linguística
6.-RAG: Real Academia Galega
7.-AELG: (Asociación de Escritores en Lingua Galega)
8.-PROLINGUA
9.-CONFAPA (Galicia)
10.-Queremos Galego (plataforma cidadá que agrupa a máis de 500 entidades sociais)
11.-Xuices, catedráticos e xuristas
12.-Comisión Interuniversitaria de Galicia
13.-Cregos galegos
14.- CGENL: Coordinadora Galega de Equipas de Normalización Linguística
15.- CCG (Consello da Cultura Galega)
... e se topades algunha en falta, non tedes máis que dicirnolo.
Sobran comentarios. Tantas voces e tan dispares coincidindo....blanco e en botella...¿que será?

Achegámosvos tamén unha pormenorizada análise do Decreto feita polos compañeiros do IES Nª Sra. dos Olhos Grandes de Lugo.e que enlazamos directamente.
A imaxe é de Xaquín Marín e topámola AQUÍ

Sostenibilidade Linguística

2010-01-10T02:49:00.000-08:00

A ONU proclamou o ano 2008 coma Ano Internacional das Linguas para pór de manifesto a necesidade de defender e preservar as linguas do mundo. Con ese motivo, as universidades catalanas, a través do Grup d´Estudi de Llengües Amenazades (GELA) publicou este Decálogo de sostenibilidade para os falantes.
Xenerosamente, a compañeira Adelaida Troncoso envíanos a traducción deste Decálogo que poñemos agora á vosa disposición. Para entender. Para facer opinión. Para clarexar posturas. Por se fixera falla.

1-Se respectuoso con tòdalas linguas.
Cando dis que unha lingua non che gusta, ou que non é útil ou importante, sen decatarte aplicas estes mesmos prexuízos ás persoas que a falan. Tódalas linguas son iguais e todas son diferentes.

2-Observa e escoita: interésate polas linguas do teu contorno.
Moi a miúdo a carón teu fálanse linguas que nin sequera sospeitas (imaxinas). Que non sabes nin como se chaman. Moitas veces saber o nome ou algunha verba é dabondo para demostrar que aprecias ós que te rodean, que non che son indiferentes. Dille “grazas” a alguén na súa lingua e de seguro que lle arrincarás un sorriso.

3-Non teñas medo de aprender novas linguas, sempre serán as túas aliadas.
Moita xente pensa que unha lingua ou se fala ou non se fala, que non hai termo medio. Ou que para facer entrar unha lingua no caletre ha de saír outra. Aprender, pouco ou moito, unha lingua non quere dicir esquecerse doutra, nin falala peor. Unha soa verba pódeche ser útil, e chegues onde chegues, unha miga é mellor ca nada. Sempre gañarás.

4-As linguas ábrenche novas perspectivas: non renuncies ás fontes de coñecemento que che ofrecen as diversas linguas.
Tòdalas linguas conteñen coñecemento e prodúceno de novo; non te limites ó inglés. Non deixes de lado aquilo que está escrito en linguas próximas á túa. A miúdo descubrirás que as podes ler e entender mellor do que pensas, e que as boas ideas non teñen lingua, ou que todas as linguas as teñen. As diferentes linguas expresan diferentes miradas sobre a realidade. Aprender linguas diferentes axudarache a ampliar miras.

5-Dá voz ós minoritarios e escóitaos.
Entre todos os minoritarios constituímos unha maioría. Non contribúas a acentuar o desequilibrio lingüístico, non trates as linguas con poucos falantes como non che gusta que te traten a ti. Se podes escoller, dálles prioridade ás que teñen menos altofalantes. Axúdaas a chegar a todas partes e elas axudaranche a ti.

6-Non impoñas linguas dominantes, replanta linguas ameazadas.
O escritor nor-catalán Joan Lluís Lluís di que a moitos cataláns do sur gústalles ir ó Rosellón a demostrar canto saben falar francés. Non fagas só de difusor das grandes linguas en detrimento das que teñen menos falantes. Mira de interesarte pola lingua que pode extinguirse: verás que é útil e necesaria, e contribuirás á reforestación lingüística.

7-Un pequeno mercado pode ser unha gran porta.
É importante non confundir a audiencia potencial coa real. Escribir ou falar unha lingua de moitos falantes non é ningunha garantía de ser escoitado. En cambio, falar coma os que temos máis á beira é facernos sentir. O importante non é a cantidade de xente que te podería entender, senón as persoas ás que de veras lles dis algunha cousa. Cando Shakespeare escribía, os anglofalantes non chegaban a seis millóns.

8-Practica a diversidade lingüística cando te movas polo mundo.
Aproveita toda a riqueza e diversidade que o mundo che ofrece se o escoitas. Non vaias a Gales ou a Malta soamente a aprender inglés. Proba a falar as linguas dos lugares que visites: canto menos se esperen os teus interlocutores oírte dicir cousas na súa lingua máis se alegrarán.

9-Preserva o teu espazo de liberdade: a lingua non cha poden quitar se ti non queres.
As linguas non son cousas, non se estorban unhas ás outras: non te deixes convencer do contrario. Seguramente ó longo da túa vida non sempre poderás falar na primeira lingua que aprendiches, pero sempre a poderás manter: é un coñecemento que che axudará a coñecer outras. Non o perdas: cantas máis linguas saibas, máis sabes da túa lingua e do mundo.

10-Non exclúas a ninguén dunha lingua.
As linguas, sobre todo as pouco faladas ou pouco estendidas, crean lazos invisibles, son sinais de benvida, transforman a un alleo nun veciño. Non prives ós outros de aprender e usar a túa lingua. Non lles digas coa lingua que non son dos teus. En Catalunya (Galicia), por exemplo, tamén se fala catalán (galego): non os deixes fóra da casa. O catalán (galego)é un pasaporte que non caduca: axúdalles a obtelo para sempre.

No mundo fálanse entre 4000 e 6000 linguas, das cales segundo as estimacións máis optimistas o 50% corren perigo de extinguirse nos próximos cen anos e o 96% son faladas soamente polo 4% da poboación mundial.
O número de falantes é un factor importante, pero non sempre é un bo indicador da saúde dunha lingua. As condicións óptimas que aseguran a vitalidade dunha lingua son complexas. Son unha conxunción de apoio institucional , a utilidade da lingua na esfera económica do país e utilización nos medios de comunicación globais , co sentimento de fidelidade dos falantes cara á lingua propia e a consideración que estes teñen dos seus símbolos identitarios.

O estudante lingüisticamente sostible valora as persoas, e por iso non espera que se subordinen. Valora a diversidade, porque é unha persoa libre e sabe que a liberdade implica non renunciar a ser quen es. Valora o coñecemento, porque o fai máis libre e humano. O estudante lingüisticamente sostible é consecuente, e por iso o seu comportamento lingüístico vai a favor das persoas, da diversidade e do coñecemento.

Borrador do Novo Decreto

2010-01-08T10:54:00.000-08:00

Xa está aquí. En plenas vacacións. Con tempo suficiente para lelo, feito polo cal agradecemos ó Sr. Conselleiro e ó Sr. Presidente da Xunta que escolleran estes días para facelo público.

O esperado Decreto, que aínda é borrador podedes descargalo en pdf. na páxina da Coordinadora Galega de ENL e lelo desde este enlace:

LER...

E será millor lelo, para que non cho conten.

O Sr. Presidente xa dixo, polo que poida pasar, que o borrador e o decreto final non teñen nin por que parecerse.

Continuará.

Feliz 2010

2009-12-19T09:36:00.000-08:00

Para ti,

para os teus,

para a nosa lingua.

Samaín

2009-12-12T11:05:00.000-08:00

Xa pasou e tendes a reportaxe no blog da biblio pero... por se alguén non andivo fino..¡aí está de novo!

Digocho Eu!!!

2009-05-17T03:55:00.000-07:00

De Digocho eu

Cada ano, o ENL organiza a publicación da nosa revista anual.
Con motivo da celebración das Nosas Letras, todo o cole se pon en marcha para plasmar no Digocho Eu unha panorámica do que facemos durante todo o ano aula a aula, servizo a servizo. Todos e todas esmerámonos en publicar o millor do noso traballo.
Previamente organízase un concurso entre todo o alumnado para debuxar a que será a portada desa edición.
Eiquí queda unha mostra do que foron as portadas de tódolos anos xunto cos carteis conmemorativos que, tamén cada ano, a Biblioteca preparou para seren distribuidos polas aulas e achegar a figura dos homenaxeado/a de turno ós nenos e nenas.
Tamén se poden ver os antecedentes da revista actual. Como podedes ver, paseamos desde a edición en multicopista e clichés ate a modernidade do offset.
Un longo camiño que esperamos dure moitos moitos anos máis.

Deitado frente ó mar

2009-05-10T02:27:00.000-07:00

Os compañeiros do EDNL do Ceip Mestre Martinez Alonso de Mos, achégannos o enlace a esta canción do grupo Dios ke te crew. Trátase dun poema de Celso Emilio Ferreiro, importantísimo autor das nosas letras que morreu en 1979 e ten a cualidade de que a súa obra é rabiosamente actual e moderna. Mira, senon, este poema.

DEITADO FRENTE AO MAR
Lingoa proletaria do meu pobo,
eu fáloa porque sí, porque me gosta,
porque me peta e quero e dame a gaña;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa nan saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.
Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.
Non falo pra os soberbios,
non falo pra os ruis e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, dóce mágoa das Españas,
deitada rente ao mar, ise camiño...

Palabras encadeadas

2009-04-07T00:58:00.000-07:00

Na páxina da SXPL topamos con este xogo que será moi divertido se o facedes en grupo.
ATENCIÓN: non valerán palabras noutros idiomas.
¡A xogar!

Mapa sociolinguístico de Galicia

2009-03-17T09:26:00.000-07:00

Acabamos de facernos eco no blog da biblioteca do Mapa Sociolinguístico de Galicia, dado hoxe a coñecer pola Mesa para a Normalización Linguística.

Se queres saber máis, pasa por alí.

Planeta de Equipos de Normalización e Dinamización

2009-03-15T05:09:00.000-07:00

Enteráronse da nosa existencia. E o Planeta, integrounos axiña!!!

Así foi como soupemos da existencia desta páxina que nace pola iniciativa do CPI Aurelio M. Rey García de Cuntis.Actualízana constantemente, incorporando nese espazo tódolos artigos de sitios web relacionados coa normalización e a dinamización.

Agora, o Milladoiro tamén forma parte dese planeta, grazas á xenerosidade de quenes fan este estupendo traballo.

Son de Poetas

2009-03-15T04:50:00.000-07:00

A través de Planeta de Equipos de Normalización e Dinamización Linguística, descubrimos esta interesantísima ferramenta, nacida do ENL do IES David Buján de Cambre.
Trátase de Son de Poetas, antoloxía da poesía galega musicada.
Un blog no que podemos escoitar poemas cantados, deses que forman parte de discografías que nos gustan, que queremos mostrar ós nosos alumnos e alumnas... e que non sempre topamos con facilidade.
Pois ben: aí están. Reunidos. E dispostos cronoñóxicamente.
Desde Alfonso X, ata Álvarez Blázquez, Novo Neira...
Noraboa pola iniciativa e... GRAZAS.
Aquí, un poema, aquí unha canción:

Árbores de Nadal

2009-02-17T01:46:00.001-08:00

No tempo do Nadal propuxemos ós nenos e nenas que adornaran a súa propia ÁRBORE DE NADAL. proporcionámoslles unha plantilla que levaron para a casa e.... a actividade convertiuse nunha tarefa familiar.

¡Daba gusto ver a escola chea de obras de arte!

Habíaos de gominolas, de botóns, de pasta, de legumes, de musgo, de retais....
Aí vos queda unha pequenísima mostra de tanta marabilla.

Digocho Eu

2009-02-12T07:13:00.001-08:00

Este é o nome da nosa revista, que, co actual formato, vense facendo no centro dende 1998.

Anteriormente, chamábase Malante e facíase con formato de xornal (e a multicopista!!!)

Sempre se editou un número anual, no mes das Letras.
Eiquí tendes unha mostra das portadas de varios anos que se escollían mediante concurso entre as que facían tódolos rapaces e rapazas do cole.